जगनाथ निरौला

फ्लाई दुबईले पोखरालाई सिधै मध्यपूर्वको गन्तव्य दुबईसँग जोड्नेगरी पोखरा–दुबई सिधा उडानको सम्भाव्यता अध्ययन गरिरहेको छ। फ्लाई दुबईको टोलीले पोखरा अन्तर्राष्ट्रिय विमानस्थलको अवलोकन गरिसकेको छ र आगामी सेप्टेम्बरदेखि उडान सुरु हुने सम्भावना छ।

पोखरा अन्तर्राष्ट्रिय विमानस्थल सञ्चालनमा आएको एक वर्षभन्दा बढी समय बितिसक्दा पनि नियमित अन्तर्राष्ट्रिय उडान हुन सकेको छैन, केवल छिटपुट चार्टर उडानहरू मात्र भएका छन्। हिमालय एयरलाइन्सले पोखरा–ल्हासा नियमित व्यावसायिक उडान सुरु गरे पनि यात्रु संख्या कम भएपछि बन्द भएको थियो। हालै भारततर्फ पहिलोपटक मेडिकल चार्टर उडान भएको छ, जसले भविष्यमा नियमित उडानका लागि कूटनीतिक पहल गर्न सहज हुने अपेक्षा गरिएको छ।