तेहरान

तेहरानमा अमेरिका र इजरायलविरुद्ध युद्धमा ज्यान आहुति दिन तयार रहेका इरानी जोडीहरूको सामूहिक विवाहको आयोजना गरिएको छ। राज्य–प्रायोजित यस योजनामा सहभागी सयौँ जोडीहरूले 'स्वेच्छिक–बलिदान' योजनामा हस्ताक्षर गरेका छन्। इरानी अधिकारीहरूका अनुसार लाखौँ नागरिकले युद्धका लागि नाम दर्ता गराइसकेका छन्।

इरानका अधिकारीहरूले अमेरिका र इजरायलविरुद्धको युद्धमा जीवन बलिदान दिन तयार रहेको घोषणा गर्दै राज्य-प्रायोजित 'स्वेच्छिक-बलिदान' योजनामा हस्ताक्षर गरेका जोडीहरूका लागि तेहरानमा सामूहिक विवाह आयोजना गरेका छन्। यस योजनामा लाखौं मानिसहरूले युद्धका लागि आफ्नो नाम दर्ता गराइसकेको अधिकारीहरूले जनाएका छन्। यो समारोह अमेरिकी राष्ट्रपति डोनाल्ड ट्रम्पले इरानविरुद्ध नयाँ सैन्य कारबाहीको धम्की दिएको सन्दर्भमा युद्धकालीन मनोबल बढाउने प्रयासको रूपमा भएको थियो।

इरानको राजधानी तेहरानमा पछिल्ला दिनहरूमा सार्वजनिक रूपमा हतियार प्रदर्शन र सैन्य सवारीसाधनको प्रदर्शन बढाइएको छ। अमेरिकी राष्ट्रपति डोनाल्ड ट्रम्पले वार्ता असफल भएमा इरानविरुद्ध पुनः युद्ध सुरु हुन सक्ने चेतावनी दिएपछि इरानले शक्ति प्रदर्शनलाई तीव्र बनाएको विश्लेषण गरिएको छ। यसबीच इरानमा बढ्दो महँगी र आर्थिक संकटका कारण सर्वसाधारणमा चिन्ता बढिरहेको छ।