पावर अफ साइबेरिया-२

रुस र चीनबीच बहुचर्चित ‘पावर अफ साइबेरिया–२’ प्राकृतिक ग्यास पाइपलाइन परियोजनामा केही प्राविधिक प्रगति भए पनि अन्तिम सम्झौतामा पुग्न नसकेको क्रेमलिनले जनाएको छ । राष्ट्रपति भ्लादिमिर पुटिन र चिनियाँ राष्ट्रपति सी जिनपिङबीच बेइजिङमा भएको उच्चस्तरीय वार्तापछि पनि अर्बौं डलरको उक्त ऊर्जा परियोजना निष्कर्षविहीन बनेको हो । रुसले यो परियोजनालाई पश्चिमी प्रतिबन्धका कारण चीनमाथिको आर्थिक निर्भरता बढाउन महत्त्वपूर्ण माने पनि चीनले भने यसमा सीमित रुचि देखाएको छ ।