भ्लादिमिर पुटिन

रुसले युक्रेनको राजधानी किएभमा थप आक्रमण गर्ने योजना सार्वजनिक गर्दै त्यहाँ रहेका विदेशी नागरिक र कूटनीतिज्ञहरूलाई सहर छोड्न आह्वान गरेको छ। रुसी विदेश मन्त्रालयका अनुसार, रुसी सशस्त्र बलले किएभमा रहेका युक्रेनी सैन्य–औद्योगिक प्रतिष्ठान, निर्णय गर्ने केन्द्र र कमान्ड पोष्टहरूलाई लक्षित गरी व्यवस्थित आक्रमण सुरु गरिरहेको छ। यसअघि गत हप्ताको अन्त्यमा युक्रेनमा गरिएको ड्रोन र क्षेप्यास्त्र आक्रमणमा चार जनाको मृत्यु भएको थियो।

बेइजिङमा चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनबीच भएको भेटवार्तामा दुई देशबीचको सम्बन्ध ‘अभूतपूर्व उच्च स्तर’मा पुगेको दाबी गरिएको छ। यो भेट अमेरिकी राष्ट्रपति डोनाल्ड ट्रम्पको चीन भ्रमण सकिएको केही दिनपछि भएको हो। दुई नेताले विश्व राजनीति ध्रुवीकरणतर्फ गइरहेका बेला आफ्नो साझेदारीलाई अझ गहिरो बनाउने सङ्केत दिएका छन्।

रुसले युक्रेनको राजधानी किभमा आइतबार बिहान भीषण ब्यालेस्टिक मिसाइल आक्रमण गरेको छ, जसमा कम्तीमा तीन जना घाइते भएका छन्। किभ शहर सैन्य प्रशासनका प्रमुख टिमुर टकाचेन्कोले राजधानीको मध्य भागमा रहेको पोडिल्स्की जिल्लामा आक्रमण भएको र त्यसका कारण आगलागी भएको पुष्टि गरेका छन्। थप आक्रमणको उच्च जोखिम रहेकाले सतर्क रहन आग्रह गरिएको छ।

पूर्वी युक्रेनको रूसी कब्जामा रहेको स्टारोबिल्स्क शहरको एक कलेज छात्रावासमा भएको युक्रेनी ड्रोन हमलामा १० जनाको मृत्यु भएको छ भने ३८ जना घाइते भएका छन्। लुगान्स्क क्षेत्रका गभर्नर लियोनिद पासेचनिकका अनुसार ११ जना विद्यार्थी बेपत्ता छन्। युक्रेनले सर्वसाधारणलाई लक्षित गरेको आरोप अस्वीकार गर्दै रूसी ड्रोन युनिटमा आक्रमण गरेको दाबी गरेको छ।

रुसी राष्ट्रपति भ्लादिमिर पुटिनले युक्रेनले कब्जामा रहेको पूर्वी युक्रेनको लुहान्स्क क्षेत्रको स्टारोब्लिस्क सहरमा रहेको एक विद्यार्थी छात्रावासमा ड्रोन आक्रमण गरेको आरोप लगाएका छन्। यस आक्रमणमा ६ जनाको मृत्यु भएको र ३९ जना घाइते भएको पुटिनले बताएका छन्, जसमा १५ जना बेपत्ता छन्। पुटिनले यसको बदला लिने वाचा गर्दै रुसी सेनालाई कारबाहीको योजना तयार गर्न आदेश दिएका छन्।

रुसी राष्ट्रपति भ्लादिमिर पुटिनले अमेरिकी राष्ट्रपति डोनाल्ड ट्रम्पको चीन भ्रमण सकिएको केही घण्टापछि बेइजिङको दुई दिने भ्रमण गरेका छन्। भ्रमणका क्रममा पुटिनले चिनियाँ राष्ट्रपति सी जिनपिङसँग भेट गरी द्विपक्षीय साझेदारी, रणनीतिक सहयोग, अन्तर्राष्ट्रिय तथा क्षेत्रीय मुद्दामा छलफल गर्नेछन्। दुई नेताबीच संयुक्त घोषणापत्रमा हस्ताक्षर हुने कार्यक्रम छ।

अमेरिकी राष्ट्रपति डोनल्ड ट्रम्पको चीन भ्रमणपछि रुसी राष्ट्रपति भ्लादिमिर पुटिन चिनियाँ राष्ट्रपति सी चिनपिङलाई भेट्न बेइजिङ पुगेका छन्। यसैबीच, सी चिनपिङले मध्यपूर्वमा शान्ति र स्थिरता कायम गर्न ४ बुँदे प्रस्ताव अघि सारेका छन्।

रुस र चीनबीच बहुचर्चित ‘पावर अफ साइबेरिया–२’ प्राकृतिक ग्यास पाइपलाइन परियोजनामा केही प्राविधिक प्रगति भए पनि अन्तिम सम्झौतामा पुग्न नसकेको क्रेमलिनले जनाएको छ । राष्ट्रपति भ्लादिमिर पुटिन र चिनियाँ राष्ट्रपति सी जिनपिङबीच बेइजिङमा भएको उच्चस्तरीय वार्तापछि पनि अर्बौं डलरको उक्त ऊर्जा परियोजना निष्कर्षविहीन बनेको हो । रुसले यो परियोजनालाई पश्चिमी प्रतिबन्धका कारण चीनमाथिको आर्थिक निर्भरता बढाउन महत्त्वपूर्ण माने पनि चीनले भने यसमा सीमित रुचि देखाएको छ ।

रुस र चीनले संयुक्त घोषणापत्र जारी गर्दै केही देशहरूले औपनिवेशिक शैलीमा विश्वव्यापी मामिलाहरूमा प्रभुत्व जमाउने प्रयासहरू असफल भएको र विश्व जंगली कानुनतर्फ फर्कने खतरा रहेको बताएका छन्। दुवै देशले अमेरिकाको नेतृत्वमा विश्वव्यापी प्रभुत्व लाद्ने प्रयासको आलोचना गरेका छन्।