पुष्कर बोगटी

मकवानपुरको मकवानपुरगढी २ सिखरकटेरीमा बसले स्कुटरलाई ठक्कर दिँदा स्कुटर चालक ५५ वर्षीय दोर्जेरत्न योञ्जनको मृत्यु भएको छ। काठमाडौँबाट वीरगञ्जतर्फ आउँदै गरेको बसले घुम्तीमा विपरीत दिशाबाट आउँदै गरेको स्कुटरलाई ठक्कर दिएको थियो। गम्भीर घाइते योञ्जनको उपचारका क्रममा अस्पतालमा मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक पुष्कर बोगटीले जानकारी दिए।

मकवानपुरको भिमफेदी गाउँपालिका–६ जुरीखेतमा वीरगञ्जबाट काठमाडौंतर्फ जाँदै गरेको इभी गाडी अनियन्त्रित भई दुर्घटना हुँदा चालकसहित आठ जना यात्रु घाइते भएका छन्। जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक पुष्कर बोगटीले दिएको जानकारी अनुसार घाइते सबैलाई उपचारका लागि काठमाडौँ लगिएको छ।