बराहक्षेत्र नगरपालिका

सशस्त्र प्रहरी बलले सुनसरी र उदयपुरको सीमा क्षेत्रमा पर्ने सप्तकोशी नदीको बीच टापुबाट करिब ४७५ किलोग्राम अवैध गाँजा बरामद गरेको छ। विशेष सूचनाको आधारमा खटिएको प्रहरी टोलीले १६ बोरामा लुकाइराखेको उक्त गाँजा र्याफ्ट बोटको प्रयोग गरी नदी किनारमा ल्याएको थियो। बरामद गरिएको गाँजालाई आवश्यक कारबाहीका लागि सम्बन्धित निकायमा बुझाइएको सशस्त्र प्रहरीका प्रवक्ताले जानकारी दिएका छन्।

सशस्त्र प्रहरी बलले सप्तकोशी नदीको बीच टापुबाट करिब ४७५ किलो गाँजा बरामद गरेको छ। बराहक्षेत्र नगरपालिका–६ र बेलका नगरपालिका–८ बीचको टापुमा १६ बोरामा लुकाइराखेको अवस्थामा उक्त गाँजा फेला परेको हो। विशेष सूचनाको आधारमा सशस्त्र प्रहरी निरीक्षक मेघराज राउत र राजविक्रम खड्काको कमान्डमा खटिएको टोलीले गाँजा बरामद गरेको जनाइएको छ।