बाहुन खोला

कञ्चनपुरको पुनर्वास क्षेत्रमा दोदा नदी र बाहुन खोलामा आएको आकस्मिक बाढीमा फसेका २० जना महिलालाई सशस्त्र प्रहरी बलले सकुशल उद्धार गरेको छ। पुनर्वास नगरपालिका-९ मा निउरो टिप्न गएका पाँच महिला दोदा नदीमा र दाउराघाँस गर्न गएका १५ महिला बाहुन खोलामा पानीको बहाव बढेपछि अलपत्र परेका थिए। सशस्त्र प्रहरीको विपद् व्यवस्थापन तालिम प्राप्त टोलीले स्थानीय प्रहरी, जनप्रतिनिधि र स्थानीयवासीको सहयोगमा उनीहरूको उद्धार गरेको हो।