शान्तबहादुर सुनार

कञ्चनपुरको पुनर्वास क्षेत्रमा दोदा नदी र बाहुन खोलामा आएको आकस्मिक बाढीमा फसेका २० जना महिलालाई सशस्त्र प्रहरी बलले सकुशल उद्धार गरेको छ। पुनर्वास नगरपालिका-९ मा निउरो टिप्न गएका पाँच महिला दोदा नदीमा र दाउराघाँस गर्न गएका १५ महिला बाहुन खोलामा पानीको बहाव बढेपछि अलपत्र परेका थिए। सशस्त्र प्रहरीको विपद् व्यवस्थापन तालिम प्राप्त टोलीले स्थानीय प्रहरी, जनप्रतिनिधि र स्थानीयवासीको सहयोगमा उनीहरूको उद्धार गरेको हो।

सशस्त्र प्रहरी बल नेपालको टोलीले कञ्चनपुरको पुनर्वासमा दोदा नदी र बाहुन खोलामा आएको बाढीमा फसेका २० जना व्यक्तिको सकुशल उद्धार गरेको छ। उद्धार गरिएकाहरूमा निउरो टिप्न र दाउराघाँस गर्न गएका महिलाहरू रहेका छन्। मनसुन सुरु भएसँगै तराईका नदीहरूमा बाढी आउन सक्ने खतरालाई मध्यनजर गर्दै सशस्त्र प्रहरीले सतर्क रहन आह्वान गरेको छ।