यशोदाकुमारी बराल

नेकपा (एमाले) की सांसद यशोदाकुमारी बरालले हुम्लाको चंखेली गाउँपालिकामा गएको पहिरोका पीडितलाई तत्काल राहत र क्षतिपूर्तिको व्यवस्था गर्न सरकारसँग माग गरेकी छन्। उनले सदनभित्र सांसदहरूले प्रयोग गर्ने भाषा र व्यवहारप्रति आपत्ति जनाउँदै केही माननीय सदस्यहरूले पुराना राजनीतिक दलहरूप्रति अशिष्ट र अमानवीय व्यवहार गरिरहेको आरोप लगाइन्।

हुम्लाको चंखेली गाउँपालिका-५ अन्तर्गत नेप्का गाउँमा गएराति असिनासहितको भीषण वर्षापछि आएको बाढी-पहिरोले ठूलो क्षति पुर्‍याएको छ। बाढीले दुई घर, डाँफे आधारभूत विद्यालय, विद्युत पावरहाउस र करिब ३० रोपनी खेतीयोग्य जमीन बगाएको छ। यसैबीच, सांसद यशोदाकुमारी बरालले सदनमा पहिरो पीडितलाई तत्काल राहत र क्षतिपूर्तिको व्यवस्था गर्न सरकारसँग माग गरेकी छन्।