रूपन्देही

रूपन्देहीमा मंगलबार भएका तीन अलग-अलग घटनामा चार जनाको मृत्यु भएको छ। बुटवल र भैरहवामा सडक दुर्घटनामा परी दुई जनाको मृत्यु भएको छ भने घाघरा खोलाको ड्याममा पौडी खेल्ने क्रममा डुबेर दुई जना विद्यार्थीको मृत्यु भएको छ। यसैगरी, सिद्धार्थ रंगशालाभित्र मिनी रोलरले च्यापिएर एक १४ महिने नाबालकको मृत्यु भएको छ।

रूपन्देहीमा नक्कली नोट छाप्ने प्रिन्टर र कम्प्युटरसहित दुई जना पक्राउ परेका छन्। यसैबीच, अमेरिकाको ह्वाइट हाउस नजिकै सुरक्षा जाँच चौकीमा एक व्यक्तिले सुरक्षाकर्मीमाथि गोली चलाउँदा जवाफी कारबाहीमा ती व्यक्तिको मृत्यु भएको छ। घटनामा एक सर्वसाधारण पनि घाइते भएका छन्।

लुम्बिनी प्रदेशका मुख्यमन्त्री चेतनारायण आचार्य र बेलायत सरकारकी इन्डो–प्यासिफिक मामिलामन्त्री सीमा मल्होत्राबीच रुपन्देहीमा भेटवार्ता भएको छ । भेटमा नेपाल र संयुक्त अधिराज्यबीचको ऐतिहासिक सम्बन्ध, विकास साझेदारी र लुम्बिनी प्रदेशको विकास प्राथमिकताबारे छलफल भएको थियो । मुख्यमन्त्री आचार्यले प्रदेश सरकारको दिगो, समावेशी र रोजगारीमुखी आर्थिक वृद्धिको लक्ष्यबारे जानकारी गराउँदै विभिन्न क्षेत्रमा बेलायतसँग सहकार्य विस्तार हुने विश्वास व्यक्त गरे ।