लागूऔषध नियन्त्रण ब्यूरो

काठमाडौँ उपत्यकामा ट्राफिक प्रहरीले वैशाख २९ गतेदेखि हालसम्म एक सातामा १३ हजार ९० जना सवारी चालक तथा नियम उल्लङ्घनकर्तामाथि कारबाही गरेको छ। यस कारबाहीबाट एक करोड १८ लाख छ हजार १३ रुपैयाँ राजस्व सङ्कलन भएको छ। ट्राफिक प्रहरीका अनुसार बढ्दो सवारी चाप, अव्यवस्थित पार्किङ र लापरबाहीपूर्ण सवारी सञ्चालनले दुर्घटनाको जोखिम बढाएको छ।

काठमाडौं उपत्यकामा ट्राफिक प्रहरीले पछिल्लो चौबीस घण्टामा ट्राफिक नियम उल्लंघन गर्ने एक हजार ९२२ जना सवारी चालकलाई कारबाही गरेको छ। यस कारबाहीबाट १९ लाख ७० हजार दुई राजस्व सङ्कलन भएको छ। यस क्रममा लागुऔषध सेवन गरी सवारी चलाउने पाँच जना चालकलाई पनि नियन्त्रणमा लिइएको छ।

प्रहरीले गत वैशाख महिनाभर देशभरबाट लागूऔषध कारोबारमा संलग्न १ हजार ५६ जनालाई पक्राउ गरेको छ। केन्द्रीय प्रहरी समाचार कक्षका अनुसार यस अवधिमा विभिन्न प्रकारका लागूऔषधहरू पनि ठूलो परिमाणमा बरामद भएका छन्।