वृहत नागरिक आन्दोलन

संयुक्त राष्ट्रिय सुकुम्बासी मोर्चा नेपाल, वृहत नागरिक आन्दोलन र जेन-जेड मुभमेन्ट अलायन्सले ‘गणतन्त्र जिन्दावाद, GUN तन्त्र मुर्दावाद’ नारासहित माइतीघर मण्डलामा कविता, नाटक, वक्तव्य र सिट्ठी जुलुस प्रदर्शन गरेका छन्। उनीहरूले सुकुम्बासी बस्तीमाथिको प्रशासनिक बल प्रयोग र जनविरोधी निर्णयको विरोध गर्दै ‘डोजर होइन समाधान दे, सुकुम्बासीलाई सम्मान दे’ जस्ता प्लेकार्ड प्रदर्शन गरेका छन्।

भूमिहीन सुकुम्बासी र अव्यवस्थित बसोबासीहरूले गणतन्त्र दिवसको अवसर पारेर काठमाडौंको माइतीघर मण्डलामा सरकारविरुद्ध प्रदर्शन गरेका छन्। नागरिकमाथि बिना विकल्प डोजर चलाएर बस्ती हटाएको भन्दै उनीहरूले 'डोजर आतंक बन्द गर, डोजर होइन समाधान दे' जस्ता नारा लगाएका थिए। प्रदर्शनमा जेन-जी मुभमेन्ट अलायन्स र वृहत नागरिक आन्दोलन जस्ता संगठनहरूले पनि समर्थन जनाएका छन्।