शृङ्गेरी शारदा पीठ

दक्षिणाम्नाय शृङ्गेरी शारदा पीठका पीठाधीश्वर जगद्गुरु शङ्कराचार्य श्री विधुशेखर भारती महास्वामीले 'धार्मिक विजय यात्रा नेपाल–२०२६' को क्रममा काठमाडौंको चन्द्रागिरि डाँडामा अवस्थित भालेश्वर महादेव मन्दिरमा पूजाअर्चना गरेका छन्। चन्द्रागिरि हिल्सका पदाधिकारीहरूले स्वागत गरेका शङ्कराचार्यले यस क्षेत्रको प्राकृतिक सुन्दरता र वातावरणको प्रशंसा गर्दै अलौकिक अनुभूति भएको बताए।

शृङ्गेरी शारदा पीठका जगद्गुरु शङ्कराचार्यले नेपाल प्रहरी प्रधान कार्यालयको अवलोकन भ्रमण गरेका छन्। भ्रमणका क्रममा उनले प्रहरी कर्मचारीलाई आध्यात्मिक आशीर्वचन प्रदान गर्नुका साथै प्रहरी महानिरीक्षक दानबहादुर कार्कीद्वारा रचित ‘शिव शम्भू’ भजनको विमोचन गरे। उनले प्रहरी प्रधान कार्यालय परिसरमा ‘कल्पवृक्ष’ समेत रोपे।

दक्षिण भारतको शृङ्गेरी शारदा पीठका उत्तराधिकारी जगद्गुरु शंकराचार्य श्री विधुशेखर भारतीजी महाराजले आफ्नो नेपाल भ्रमणका क्रममा काठमाडौंको बुढानीलकण्ठ मन्दिरमा विशेष पूजाअर्चना गरेका छन्। उनले लोककल्याणको कामना गर्दै भगवान् नारायणको दर्शन गरेका हुन्। यस भ्रमणलाई धार्मिक वृत्तमा निकै महत्त्वका साथ हेरिएको छ।