जगद्गुरु शङ्कराचार्य विधुशेखर भारती

दक्षिणाम्नाय शृङ्गेरी शारदा पीठका पीठाधीश्वर जगद्गुरु शङ्कराचार्य श्री विधुशेखर भारती महास्वामीले 'धार्मिक विजय यात्रा नेपाल–२०२६' को क्रममा काठमाडौंको चन्द्रागिरि डाँडामा अवस्थित भालेश्वर महादेव मन्दिरमा पूजाअर्चना गरेका छन्। चन्द्रागिरि हिल्सका पदाधिकारीहरूले स्वागत गरेका शङ्कराचार्यले यस क्षेत्रको प्राकृतिक सुन्दरता र वातावरणको प्रशंसा गर्दै अलौकिक अनुभूति भएको बताए।

दक्षिणाम्नाय शृङ्गेरी शारदा पीठका पीठाधीश्वर जगद्गुरु शंकराचार्य श्री श्री विधुशेखर भारती महास्वामीजीले “धार्मिक विजय यात्रा नेपाल–२०२६” को अवसरमा चन्द्रागिरिस्थित भालेश्वर महादेव मन्दिरमा दर्शन तथा पूजा–अर्चना गरेका छन्। चन्द्रागिरि हिल्सका अध्यक्ष हेमराज ढकाल र सञ्चालक समितिका पदाधिकारीहरूले उनलाई स्वागत गरेका थिए।

जगद्गुरु शंकराचार्य श्री श्री विधुशेखर भारतीले नेपाल प्रहरी प्रधान कार्यालयको अवलोकन भ्रमण गरी प्रहरी कर्मचारीहरूलाई आशीर्वचन प्रदान गरेका छन्। भ्रमणका क्रममा उनले प्रहरी परिसरमा ‘कल्पवृक्ष’ रोपण गरे र प्रहरी महानिरीक्षक दान बहादुर कार्कीको शब्द रचनामा तयार पारिएको “शिव शम्भू” भजनको विमोचन गरे।

जगद्गुरु शंकराचार्य श्री श्री विधुशेखर भारती सन्निधानम् ऐतिहासिक धार्मिक विजय यात्रामा सहभागी हुन यती एयरलाइन्सको चार्टर फ्लाइटमार्फत नेपाल आइपुगेका छन्। उनी जेठ ९ गते काठमाडौं आइपुगेका हुन्। यो धार्मिक विजय यात्रा पशुपतिनाथ मन्दिर परिसरमा जेठ ८ देखि १४ गतेसम्म सञ्चालन हुनेछ।