श्री विधुशेखर भारती सन्निधानम

भाटभटेनी सुपरस्टोर्सका मालिक मीनबहादुर गुरुङको निमन्त्रणामा नेपाल आएका जगद्गुरु शंकराचार्य श्री श्री विधुशेखर भारती सन्निधानम्ले काठमाडौंको बुढानिलकण्ठमा निर्मित किओच बाल अस्पतालको साँचो अध्यक्ष डा. भगवान कोइरालालाई हस्तान्तरण गरेका छन्। यस क्रममा उनलाई राजकीय सम्मान दिइएको थियो। पूर्वप्रधानमन्त्री सुशीला कार्कीले अस्पताल निर्माणलाई ताजमहल जत्तिकै महत्त्वपूर्ण बताएकी छन्।

काठमाडौं इन्स्टिच्युट अफ चाइल्ड हेल्थ (किओच) को बूढानीलकण्ठ नगरपालिका-७ हेपाली हाइटमा रहेको नवनिर्मित बाल अस्पतालको पश्चिमतर्फको भवन समाजसेवी मीनबहादुर गुरुङ, सावित्री गुरुङ, पहलमान गुरुङ र सरला गुरुङले निर्माण गरी हस्तान्तरण गरेका छन्। शनिबार आयोजित कार्यक्रममा जगत्गुरु शङ्कराचार्य श्री विधुशेखर भारतीले भवनको समुद्घाटन गरे।