संघीय निजामती सेवा ऐन

प्रस्तावित सङ्घीय निजामती सेवा ऐनअन्तर्गत कर्मचारीको सरुवा, बढुवा र पेन्सनसहित ३६ वटा नियम बनाउने अधिकार सरकार आफैँले राख्ने गरी नयाँ कानुनी मस्यौदा तयार पारिएको छ। सङ्घीय मामिला तथा सामान्य प्रशासन मन्त्रालयले तयार पारेको यो विधेयक अर्थ मन्त्रालयबाट स्वीकृत भई कानुन, न्याय तथा संसदीय मामिला मन्त्रालयमा अन्तिम स्वीकृतिका लागि पठाइने तयारीमा छ। यस मस्यौदाले निजामती प्रशासनका विभिन्न पक्षलाई नियमन गर्नेछ।