सानेपा

टेलिटक प्रा. लि.ले काठमाडौंको सानेपास्थित रमेश कम्प्लेक्समा नयाँ पीओसीओ सर्भिस सेन्टर सञ्चालनमा ल्याएको छ। यो सेन्टरले पीओसीओ स्मार्टफोन र डिभाइसहरूको आधिकारिक बिक्रीपछिको सेवा तथा प्राविधिक सहयोग प्रदान गर्नेछ। कम्पनीका कार्यकारी निर्देशक सञ्जय अग्रवालले ग्राहकलाई छिटो, पारदर्शी र विश्वसनीय सेवा प्रदान गर्नु मुख्य प्राथमिकता रहेको बताएका छन्।

नेपाल विद्यार्थी संघ (नेविसंघ) का कार्यकर्ताहरूले नेपाली कांग्रेसको केन्द्रीय कार्यालय सानेपामा धर्ना दिएका छन्। उनीहरूले पार्टीभित्र आन्तरिक एकता मजबुत बनाउन, रोकिएको १२औँ महाधिवेशनको मिति तोक्न तथा संगठनलाई पुनः सक्रिय बनाउनुपर्ने माग गरेका छन्। विद्यार्थी नेताहरूले गुट-उपगुट अन्त्य गरी पार्टीलाई एकताबद्ध बनाउन नेतृत्वको ध्यानाकर्षण गराएका छन्।

नेपाली काँग्रेसले आफ्ना संघीय सांसदहरूलाई लक्षित गरी पार्टीको केन्द्रीय कार्यालय सानेपामा संसदीय अभिमुखीकरण तथा छलफल कार्यक्रम आयोजना गरेको छ। यस कार्यक्रमको उद्देश्य सांसदहरूलाई संसदीय जिम्मेवारी, प्रक्रियागत अभ्यास र वर्तमान राजनीतिक अवस्थाबारे जानकारी प्रदान गर्नु रहेको छ। कार्यक्रममा दुवै सदनका सांसदहरूको सहभागिता थियो।