सुमन घिमिरे

अध्यागमन विभागले विदेशी पर्यटकको सुरक्षा, सेवा प्रवाहको गुणस्तर अभिवृद्धि र सूचना व्यवस्थापनलाई प्रभावकारी बनाउन 'विदेशी नागरिक व्यवस्थापन सूचना प्रणाली' (एफएनएमआईएस) लागू गरेको छ। यो प्रणालीले नेपाल भ्रमण गर्ने विदेशी नागरिकहरूको सुरक्षा, सूचनामा सहजीकरण र सम्भावित अपराध नियन्त्रणमा सहयोग पुर्‍याउने उद्देश्यले विकास गरिएको हो। यस प्रणालीलाई पहिलो चरणमा काठमाडौं उपत्यकाका तारे होटलहरूमा र दोस्रो चरणमा देशभरका विभिन्न पर्यटनसँग सम्बन्धित संस्थामा लागू गरिएको छ।