नेपाल पर्यटन बोर्ड

संस्कृति, पर्यटन तथा नागरिक उड्डयन मन्त्रालयअन्तर्गतका विभिन्न १७ निकायमा रिक्त पदका लागि चार हजार ३४८ जनाले आवेदन दिएका छन्। मन्त्रालयले सार्वजनिक गरेको तथ्याङ्कअनुसार रोष्टर सूचीमा परेका आवेदनहरूको मूल्याङ्कन समितिद्वारा अध्ययन तथा छानबिन भइरहेको छ।

अध्यागमन विभागले विदेशी पर्यटकको सुरक्षा, सेवा प्रवाहको गुणस्तर अभिवृद्धि र सूचना व्यवस्थापनलाई प्रभावकारी बनाउन 'विदेशी नागरिक व्यवस्थापन सूचना प्रणाली' (एफएनएमआईएस) लागू गरेको छ। यो प्रणालीले नेपाल भ्रमण गर्ने विदेशी नागरिकहरूको सुरक्षा, सूचनामा सहजीकरण र सम्भावित अपराध नियन्त्रणमा सहयोग पुर्‍याउने उद्देश्यले विकास गरिएको हो। यस प्रणालीलाई पहिलो चरणमा काठमाडौं उपत्यकाका तारे होटलहरूमा र दोस्रो चरणमा देशभरका विभिन्न पर्यटनसँग सम्बन्धित संस्थामा लागू गरिएको छ।

नेपाल पर्यटन बोर्डका प्रमुख कार्यकारी अधिकृत दीपकराज जोशीले पर्यटन क्षेत्रका नीतिगत तथा पूर्वाधार सुधारका कार्यक्रम कार्यान्वयनमा ढिलाइ हुँदा उद्योग प्रभावित भएको बताएका छन्। उनले डिजिटल प्रवद्र्धनमा लगानी बढाएको र कन्टेन्ट क्रियटरसँग सहकार्य बढाएको उल्लेख गरे। जोशीका अनुसार नेपाल नागरिक उड्डयन प्राधिकरणको विभाजनसम्बन्धी एजेन्डा कार्यान्वयन नहुँदा युरोपसँग प्रत्यक्ष हवाई सम्पर्क विस्तार हुन नसकेको छ।

नेपाल उद्योग परिसंघ (सिएनआई)ले नेपाल आर्थिक पत्रकार समाज (सेजन)सँगको सहकार्यमा गरेको 'बजेट वाच'को तेस्रो त्रैमासिक समीक्षा अनुसार चालु आर्थिक वर्षको बजेट कार्यान्वयनमा सुधार देखिएको छ। निजी क्षेत्रसँग सम्बन्धित ७४ बुँदामध्ये पूर्ण कार्यान्वयन हुने दर बढेको छ। यसैबीच, पर्यटन क्षेत्रका सरोकारवालाहरूले विदेशी पर्यटक बढाउनका लागि नीतिगत सहजीकरण र विद्युत् महसुलमा सहुलियत आवश्यक रहेको बताएका छन्।

नेपाल पर्यटन बोर्ड र संयुक्त राष्ट्रसंघीय विकास कार्यक्रम (यूएनडीपी)को संयुक्त पहलमा नेपालको दिगो पर्यटनका लागि पाँचवर्षीय अन्तर्राष्ट्रिय बजारीकरण रणनीति र कार्ययोजना (२०२६-२०३०) तयार गरी सार्वजनिक गरिएको छ। यस रणनीतिले नेपालको पर्यटनलाई संख्यामा आधारित मोडलबाट मूल्यमा आधारित पर्यटनतर्फ रूपान्तरण गर्ने लक्ष्य राखेको छ।

कर्णाली प्रदेशलाई अन्तर्राष्ट्रिय बजारमा प्रवर्द्धन गर्ने प्रतिबद्धतासहित ‘कर्णाली टुरिजम् मिट-२०२६’ सुर्खेतमा सम्पन्न भएको छ। ‘प्रकृती र संस्कृतीको काखमा’ नारासहित आयोजित यस कार्यक्रममा नेपाल पर्यटन बोर्ड र वीरेन्द्रनगर नगरपालिकाको आयोजना तथा होटल व्यवसायी महासंघ सुर्खेतको समन्वयमा भारतका विभिन्न सहरबाट करिब ५० जना पर्यटन व्यवसायी, पत्रकार र ब्लगरहरूको सहभागिता थियो। कार्यक्रमले कर्णाली पर्यटन प्रवर्द्धनमा नयाँ ऊर्जा थपेको र यस क्षेत्रमा धार्मिक, आध्यात्मिक तथा प्रकृतिमा आधारित पर्यटनको अथाह सम्भावना रहेको बताइएको छ।

चीनको ग्वाङ्झाउमा आयोजित अन्तर्राष्ट्रिय पर्यटन मेलामा नेपाललाई ‘मोस्ट चार्मिङ टुरिज्म डेस्टिनेसन’ अर्थात् ‘सबैभन्दा आकर्षक पर्यटकीय गन्तव्य’को सम्मान प्रदान गरिएको छ । नेपालको प्राकृतिक सौन्दर्य, आध्यात्मिकता, सांस्कृतिक विविधता र साहसिक पर्यटनको आकर्षणका आधारमा यो सम्मान दिइएको नेपाल पर्यटन बोर्डले जनाएको छ । यसले चीनको पर्यटन बजारमा नेपालको प्रवर्द्धनमा सहयोग पुग्ने विश्वास गरिएको छ ।

भारतको नयाँदिल्लीबाट नेपाल हेर्ने युरोपियन युनियन (ईयू) आबद्ध करिब २० देशका गैह्रआवासीय राजदूत तथा मिसन प्रमुखहरू काठमाण्डू आएका छन्। जेनजी आन्दोलनपछि ठूलो संख्यामा युरोपेली राजदूतहरूको यो पहिलो भ्रमण हो, जसको उद्देश्य नेपालको पछिल्लो राजनीतिक, आर्थिक र सामाजिक अवस्था तथा विकासमा ईयूको सहयोगबारे छलफल गर्नु हो।

चीनको ग्वाङ्झाउमा आयोजित अन्तर्राष्ट्रिय पर्यटन मेलामा नेपाललाई ‘मोस्ट चार्मिङ टुरिज्म डेस्टिनेसन’ अर्थात् ‘सबैभन्दा आकर्षक पर्यटकीय गन्तव्य’को सम्मान प्रदान गरिएको छ । नेपालको प्राकृतिक सौन्दर्य, आध्यात्मिकता, सांस्कृतिक विविधता तथा साहसिक पर्यटनको आकर्षणका आधारमा यो सम्मान दिइएको नेपाल पर्यटन बोर्डले जनाएको छ ।

कर्णाली प्रदेशलाई अन्तर्राष्ट्रिय बजारमा प्रवर्द्धन गर्ने उद्देश्यसहित ‘कर्णाली टुरिजम मिट–२०२६’ सुर्खेतमा सम्पन्न भएको छ। ‘प्रकृति र संस्कृतिको काखमा’ भन्ने नारासहित आयोजित यस कार्यक्रममा भारतका विभिन्न सहरबाट पर्यटन व्यवसायी, पत्रकार र ब्लगरहरूको सहभागिता थियो। सहभागीहरूले कर्णालीका पर्यटकीय सम्भावनाबारे छलफल गर्दै यस क्षेत्रको प्रवर्द्धनमा जोड दिएका छन्।