पर्यटन विभाग

अध्यागमन विभागले विदेशी पर्यटकको सुरक्षा, सेवा प्रवाहको गुणस्तर अभिवृद्धि र सूचना व्यवस्थापनलाई प्रभावकारी बनाउन 'विदेशी नागरिक व्यवस्थापन सूचना प्रणाली' (एफएनएमआईएस) लागू गरेको छ। यो प्रणालीले नेपाल भ्रमण गर्ने विदेशी नागरिकहरूको सुरक्षा, सूचनामा सहजीकरण र सम्भावित अपराध नियन्त्रणमा सहयोग पुर्‍याउने उद्देश्यले विकास गरिएको हो। यस प्रणालीलाई पहिलो चरणमा काठमाडौं उपत्यकाका तारे होटलहरूमा र दोस्रो चरणमा देशभरका विभिन्न पर्यटनसँग सम्बन्धित संस्थामा लागू गरिएको छ।

यस वर्षको वसन्तकालीन सगरमाथा आरोहणमा हालसम्मकै सर्वाधिक ८८० आरोहीले सफल आरोहण गरेका छन्। वैशाख ३१ गते सुरु भएको आरोहणमा आइतबारसम्म आरोही र सहयोगी शेर्पा गरी ८८० जनाले चुचुरो टेकेका छन्। पर्यटन विभागका अनुसार यस वर्ष सगरमाथाका लागि ४९५ जनालाई आरोहण अनुमति जारी गरिएको थियो, जुन सन् १९५३ यताकै सबैभन्दा बढी हो।

यसवर्षको वसन्त ऋतुमा विभिन्न हिमाल आरोहणका लागि ७९ देशका एक हजार १८१ विदेशी आरोहीले अनुमति लिएका छन्। पर्यटन विभागले हिमाल आरोहण अनुमतिबाट हालसम्म एक अर्ब २५ करोड ८४ लाख ६० हजार ५५४ रुपैयाँ राजस्व सङ्कलन गरेको छ। सबैभन्दा बढी सगरमाथा आरोहणका लागि ४९४ आरोहीले अनुमति लिएका छन्।

विश्वविख्यात नेपाली आरोही कामिरिता शेर्पाले ३२औँ पटक सगरमाथाको सफल आरोहण गर्दै आफ्नै विश्व कीर्तिमानलाई थप उचाइमा पुर्‍याएका छन्। यसैगरी, महिला आरोही लाक्पा शेर्पाले ११औँ पटक सगरमाथाको सफल आरोहण गरी महिलातर्फ सर्वाधिक पटक आरोहण गर्ने कीर्तिमान कायम गरेकी छन्। दुवै आरोहीले आइतबार बिहान सगरमाथाको चुचुरोमा पाइला टेकेका हुन्।

अष्ट्रेलियामा बसोबास गर्ने ३० वर्षीय नेपाली युवा सरोज अर्यालले मे २० तारिख बिहान सगरमाथाको सफल आरोहण गरेका छन्। जन्मदिनको अवसर पारेर मे १९ मा शिखरमा पुग्ने लक्ष्य राखेका अर्यालले केही ढिलाइ भएपछि भोलिपल्ट चुचुरो चुमेका हुन्। उनले आफ्नै देशको गौरव सगरमाथामा नेपालीभन्दा विदेशी आरोहीको बाहुल्यता देखेर आफूले चढ्नुपर्ने प्रेरणा पाएको बताए।

यसवर्षको वसन्त ऋतुमा विभिन्न हिमाल आरोहणका लागि ७९ देशका एक हजार १८१ विदेशी आरोहीले अनुमति लिएका छन्। पर्यटन विभागका अनुसार सगरमाथा आरोहणका लागि सबैभन्दा धेरै ४९४ आरोहीले अनुमति लिएका छन्, जसबाट विभागले एक अर्ब २५ करोड ८४ लाख ६० हजार रुपैयाँभन्दा बढी राजस्व सङ्कलन गरेको छ।