Photo · tourismface.com
कर्णाली प्रदेशलाई अन्तर्राष्ट्रिय बजारमा प्रवर्द्धन गर्ने प्रतिबद्धतासहित ‘कर्णाली टुरिजम् मिट-२०२६’ सुर्खेतमा सम्पन्न भएको छ। ‘प्रकृती र संस्कृतीको काखमा’ नारासहित आयोजित यस कार्यक्रममा नेपाल पर्यटन बोर्ड र वीरेन्द्रनगर नगरपालिकाको आयोजना तथा होटल व्यवसायी महासंघ सुर्खेतको समन्वयमा भारतका विभिन्न सहरबाट करिब ५० जना पर्यटन व्यवसायी, पत्रकार र ब्लगरहरूको सहभागिता थियो। कार्यक्रमले कर्णाली पर्यटन प्रवर्द्धनमा नयाँ ऊर्जा थपेको र यस क्षेत्रमा धार्मिक, आध्यात्मिक तथा प्रकृतिमा आधारित पर्यटनको अथाह सम्भावना रहेको बताइएको छ।
म्याग्दीको जलजलामा पर्यटकका लागि ‘गोठस्टे’ सञ्चालन
म्याग्दीको धौलागिरि गाउँपालिका–२ मा रहेको पर्यटकीयस्थल जलजलामा पर्यटकको सुविधाका लागि स्थानीय किसानहरूले ‘गोठस्टे’ (गोठबास) सञ्चालन गरेका छन्। होटल वा रेष्टुरेन्ट नभएको यस क्षेत्रमा पर्यटकलाई खाने र बस्ने सुविधा दिन यो नयाँ अवधारणा सुरु गरिएको हो। सडक मार्ग खुलेपछि दैनिक सयौं पर्यटक आउन थालेका छन्।
सांसद मिङ्मा डेभिड शेर्पाद्वारा संघीय संसद्को लोगो सहित सगरमाथाको सफल आरोहण
राष्ट्रिय स्वतन्त्र पार्टीका प्रतिनिधिसभा सदस्य मिङ्मा डेभिड शेर्पाले संघीय संसद्को लोगो प्रयोग गरी सगरमाथाको सफल आरोहण गरेका छन्। उनले बुधबार बिहान ५:४० बजे सर्वोच्च शिखरमा पाइला टेकेका हुन्। 'सदनदेखि शिखरसम्म' भन्ने नाराका साथ गरिएको यस आरोहणमा सभामुख डोलप्रसाद अर्यालसहित सहयोगीहरूलाई उनले आभार व्यक्त गरेका छन्।
म्याग्दीको जलजला पर्यटकीय गन्तव्य बन्दै, सम्भावना उजागर र समस्या समाधानको प्रयास
म्याग्दीको धवलागिरि गाउँपालिका-२ मा रहेको जलजला पर्यटकीय गन्तव्यका रूपमा विकास हुँदैछ। यस क्षेत्रको सम्भावना उजागर गर्न र समस्या समाधानका लागि साझा मुद्दा तय गरी पहल गर्ने उद्देश्यले पर्यटन प्रवर्द्धन कार्यक्रम आयोजना गरिएको छ। जलजलाबाट हिमाल, सूर्योदय र सूर्यास्तका मनमोहक दृश्यावलोकन गर्न सकिन्छ।
मकालु वरुण राष्ट्रिय निकुञ्जमा जेठ २५ देखि यार्सागुम्बा संकलन खुला
मकालु वरुण राष्ट्रिय निकुञ्जले जेठ २५ गतेदेखि एक महिनाका लागि बहुमूल्य जडीबुटी यार्सागुम्बा संकलन खुला गर्ने भएको छ। निकुञ्ज कार्यालयका सूचना अधिकारी संस्कार सुवेदीका अनुसार यस अवधिमा दुई प्रजातिका यार्सा संकलन गर्न सकिनेछ। यार्सागुम्बा संकलनका लागि विभिन्न सेक्टर कार्यालयमार्फत पुर्जी वितरण गरिनेछ।
