लुम्बिनी प्रदेशका १२ जिल्लामा यातायात सेवा विस्तार गरिने

Photo · gorkhapatraonline.com

लुम्बिनी प्रदेश सरकारले आगामी आर्थिक वर्षदेखि १२ वटै जिल्लामा यातायात व्यवस्थासम्बन्धी सेवा विस्तार गर्ने निर्णय गरेको छ । यातायात व्यवस्था कार्यालय नभएका ६ जिल्ला र दाङको घोराहीबाट सवारी दर्ता नवीकरण र अस्थायी बाटो इजाजत सेवा प्रवाह गरिनेछ । यसबाट सेवाग्राहीहरूले आफ्नै जिल्लाबाट सेवा प्राप्त गर्नेछन् ।

• यातायात सेवा विस्तारको निर्णय लुम्बिनी प्रदेश सरकारको मन्त्रिपरिषद् बैठकले गरेको हो ।
• गुल्मी, अर्घाखाँची, प्युठान, रोल्पा, रुकुमपूर्व र बर्दिया जिल्लाबाट यो सेवा सुरु गरिनेछ ।
• सेवाग्राहीहरूले अब आफ्नै जिल्लास्थित घरेलु तथा साना उद्योग कार्यालयमार्फत यातायात सेवा पाउनेछन् ।
• यसअघि सेवाग्राहीहरू सवारी दर्ता नवीकरण र अस्थायी बाटो इजाजतका लागि दाङ, बाँके वा बुटवलसम्म पुग्नुपर्ने बाध्यता थियो ।