9 स्रोत · 10 समाचार

सुरु 1 हप्ता अघि · अपडेट 1 हप्ता अघि

मिथिला नगरपालिकाका ४८३ भूमिहीन परिवारलाई लालपूर्जा वितरण

Photo · newspolar.com

धनुषाको मिथिला नगरपालिकाका ४८३ भूमिहीन सुकुमवासी परिवारलाई लालपूर्जा वितरण गरिएको छ। नापी कार्यालयको दुई नम्बर टोलीले आवश्यक प्रक्रिया पूरा गरी लालपूर्जा वितरण गरेको हो। जिल्ला समन्वय समितिका प्रमुख राजनन्दन मण्डल र मिथिला नगरपालिकाका प्रमुख महेन्द्र महतो लगायतका पदाधिकारीले जग्गाधनीलाई लालपूर्जा हस्तान्तरण गरेका छन्।

• नापी कार्यालयको टोलीमा लालपूर्जाका लागि ६५८ जनाले निवेदन दिएका थिए।
• यसअघि सो टोलीले वडा नं १, ६ र ७ का ६४ भूमिहीन सुकुमवासी परिवारलाई लालपूर्जा वितरण गरेको थियो।
• जिल्ला समन्वय समितिका प्रमुख मण्डलले लालपूर्जा पाउने प्रक्रियाबाट छुटेकालाई यथाशीघ्र प्रक्रिया पूरा गरी लालपूर्जा वितरण गर्न अनुरोध गरेका छन्।
• मिथिला नगरपालिकाका प्रमुख महतोले लालपूर्जा प्राप्त गरेपछि भूमिहीनहरू रैतीबाट शासक बनेको र नगरको विकासमा सहकार्य गर्नुपर्नेमा जोड दिएका छन्।
• धनुषा जिल्लामा ७५ गाउँब्लक छन्, जसमध्ये ७२ वटाको जग्गा नापजाँच भइसकेको छ।