नेपाली कांग्रेस संसदीय दलको बैठक बजेट अधिवेशनको रणनीतिबारे छलफल गर्न बस्दै

राष्ट्रिय मानवअधिकार आयोगले जेनजी आन्दोलनका क्रममा भएका मानवअधिकार उल्लंघनका घटनामा तत्कालीन सरकार प्रमुख केपी शर्मा ओली, पूर्वगृहमन्त्री रमेश लेखक, पूर्वसञ्चारमन्त्री पृथ्वीसुब्बा गुरुङ, राष्ट्रिय स्वतन्त्र पार्टीका सभापति रवि लामिछानेसहित १७ जना सांसदमाथि अनुसन्धान गर्न सिफारिस गरेको छ। आयोगले भदौ २३ र २४ गते भएका घटनाको छानबिन गरी दोषीमाथि कारबाहीको सिफारिस गरेको हो।

नेपाली कांग्रेसको आगामी १५औं महाधिवेशनले पार्टीको इतिहासमै सबैभन्दा ठूलो आकारको केन्द्रीय कार्यसमिति चयन गर्ने भएको छ। विशेष महाधिवेशनबाट संशोधित विधानअनुसार अब कांग्रेसको केन्द्रीय कार्यसमिति २४० सदस्यीय हुने निश्चित भएको हो। यसका साथै सहमहामन्त्रीको संख्या ११ पुर्‍याइएको छ।

नेपाल र स्विट्जरल्याण्डबीच कूटनीतिक सम्बन्ध स्थापनाको ७० वर्ष पुगेको अवसरमा काठमाडौँमा द्विपक्षीय परामर्श संयन्त्रको पाँचौँ बैठक सम्पन्न भएको छ । बैठकमा दुई देशबीचको समग्र सम्बन्ध र सहकार्यका विविध पक्षबारे समीक्षा गरिएको छ । नेपाली पक्षले सुशासन, भ्रष्टाचार नियन्त्रण, डिजिटल रूपान्तरण र सार्वजनिक सेवा प्रवाहलाई नयाँ सरकारका प्राथमिकताका रूपमा प्रस्तुत गरेको थियो भने जलविद्युत्, पर्यटन र सूचना प्रविधि क्षेत्रको विकासलाई प्रमुख आर्थिक लक्ष्यका रूपमा जानकारी गराएको थियो ।

राष्ट्रिय मानवअधिकार आयोगले गत भदौ २३ र २४ गतेको जेनजी आन्दोलनका क्रममा भएका मानवअधिकार उल्लंघनका घटनाबारे अनुसन्धान प्रतिवेदन कार्यान्वयन गर्न नेपाल सरकारलाई सिफारिस गरेको छ। आयोगले तत्कालीन प्रधानमन्त्री केपी शर्मा ओली, गृहमन्त्री रमेश लेखक र सञ्चारमन्त्री पृथ्वी सुब्बा गुरुङलगायतलाई मानवअधिकार उल्लंघनकर्ताका रूपमा किटान गर्दै नयाँ कानुन बनाएर कारबाही गर्न सुझाव दिएको छ। प्रतिवेदनले सुरक्षा निकायका अधिकारीहरूलाई पनि अनुसन्धान र कारबाही गर्न सिफारिस गरेको छ।