Photo · gorkhapatraonline.com
मुस्ताङको छुसाङ–पाताङ्ग्या पदमार्गको स्तरोन्नति कार्य भइरहेको छ। उपल्लो मुस्ताङ भ्रमणमा आउने विदेशी पर्यटकको पदयात्रालाई सहज बनाउने उद्देश्यले राष्ट्रिय प्रकृति संरक्षण कोष, अन्नपूर्ण संरक्षण क्षेत्र आयोजना (एक्याप) ले स्थानीय संरक्षण क्षेत्र व्यवस्थापन समितिहरूमार्फत यो कार्य सुरु गरेको हो। पदमार्गको मर्मत तथा स्तरोन्नति कार्य दुई साताभित्र सम्पन्न हुने अनुमान छ।
विदेशी पर्यटकको बसाइ अवधि बढ्यो, दैनिक खर्च घट्यो: आर्थिक सर्वेक्षण
सरकारले सार्वजनिक गरेको आर्थिक सर्वेक्षण २०८२/८३ अनुसार, पछिल्लो एक दशकमा ८३ लाख ८५ हजार विदेशी पर्यटकले नेपाल भ्रमण गरेका छन्। पर्यटकको औसत बसाइ अवधि बढेर १६.३४ दिन पुगेको छ भने प्रतिपर्यटक प्रतिदिन औसत खर्च घटेर ३३.०८ अमेरिकी डलर पुगेको छ।
निलम पौडेलले सगरमाथा आरोहण गरी पहिलो ट्रान्स महिला बनिन्
नेपालकी ट्रान्स महिला निलम पौडेलले सगरमाथाको सफल आरोहण गर्दै विश्वको सर्वोच्च शिखर चुम्ने पहिलो ट्रान्स महिला बनेर ऐतिहासिक उपलब्धि हासिल गरेकी छन्। जेठ ९ गते शनिबार भएको यो आरोहणलाई एलजीबीटीक्यू समुदायले समावेशिता र समानताको दिशामा महत्त्वपूर्ण कदमका रूपमा स्वागत गरेका छन्। पौडेलले यो सफलतालाई आफूलाई कहिल्यै स्वीकार नगरिएको महसुस गर्ने सबै मानिसहरूको बताएकी छन्।
पोखराको सराङकोटमा सूर्योदय अवलोकन गर्न भारतीय पर्यटकको घुइँचो
भारतमा अत्यधिक गर्मी बढेपछि नेपाली पर्यटकीय क्षेत्रहरू, विशेषगरी पोखराको सराङकोट, भारतीय पर्यटकहरूको रोजाइमा पर्न थालेका छन्। गर्मीयाम सुरु भएसँगै पोखराका होटल तथा पर्यटन व्यवसायमा भारतीय पर्यटकहरूको आगमनले सकारात्मक प्रभाव परेको छ। यसले गर्दा सराङकोटबाट सूर्योदय हेर्न आउने पर्यटकहरूको संख्यामा उल्लेख्य वृद्धि भएको छ।
श्रीलंकाले नेपाली नागरिकलाई ३० दिनको निःशुल्क पर्यटक भिसा दिने
श्रीलंका सरकारले नेपालसहित ४० देशका नागरिकहरूलाई पर्यटन प्रयोजनका लागि ३० दिनको डबल-एन्ट्री पर्यटक भिसा (इलेक्ट्रोनिक ट्राभल अथोराइजेसन - ईटीए) निःशुल्क उपलब्ध गराउने घोषणा गरेको छ। यो व्यवस्था २०२६ मे २५ देखि लागू भइसकेको छ। भिसा लिनका लागि यात्रुहरूले श्रीलंका पुग्नुअघि आधिकारिक वेबसाइटमार्फत अनलाइन आवेदन दिनुपर्नेछ।
