Photo · kharibot.com
अन्तर्राष्ट्रिय क्रिकेट परिषद् (आईसीसी) ले टेस्ट क्रिकेटमा गुलाबी बल प्रयोग गर्ने विषयमा छलफल सुरु गरेको छ। हालसम्म दिन-रात खेलिने टेस्टमा मात्र प्रयोग हुँदै आएको गुलाबी बललाई अब दिनको खेलमा पनि प्रयोग गर्न सकिने प्रस्तावमाथि आईसीसीको क्रिकेट समितिले छलफल गरेको हो। खराब प्रकाश वा वर्षाका कारण रातो बल स्पष्ट नदेखिने समस्या समाधानका लागि यो प्रस्ताव आएको छ।
एसियन गेम्स छनोट: नेपालले इन्डोनेसियासँग खेल्दै, सेमिफाइनलमा पुग्ने लक्ष्य
मलेसियामा जारी एसियन गेम्स महिला टी-२० क्रिकेट छनोट प्रतियोगिताअन्तर्गत नेपालले आज (बिहीबार) आफ्नो दोस्रो खेलमा इन्डोनेसियाको सामना गर्दैछ। यसअघिको पहिलो खेलमा चीनलाई १९ रनले पराजित गरेको नेपाल, आजको खेल जितेर सेमिफाइनलमा पुग्ने लक्ष्यमा छ।
काभा महिला भलिबल च्याम्पियनसिप: नेपाल आज इरानसँग सेमिफाइनलमा भिड्दै
काठमाडौंमा जारी काभा महिला भलिबल च्याम्पियनसिपमा आज घरेलु टोली नेपालले बलियो प्रतिद्वन्द्वी इरानसँग सेमिफाइनल खेल खेल्दैछ। साँझ ५ बजे दशरथ रंगशाला कभर्डहलमा हुने खेलमा दुवै टोली फाइनल प्रवेशको लक्ष्यसहित मैदानमा उत्रनेछन्। यस प्रतियोगिताको विजेता एसियन कपका लागि छनोट हुनेछ।
राजस्थान रोयल्स आईपीएलको दोस्रो क्वालिफायरमा प्रवेश, वैभव सूर्यवंशीको कीर्तिमान
इन्डियन प्रिमियर लिग (आईपीएल) को इलिमिनेटर खेलमा सनराइजर्स हैदरावादलाई ४७ रनले पराजित गर्दै राजस्थान रोयल्स दोस्रो क्वालिफायरमा प्रवेश गरेको छ। यस जितसँगै राजस्थान फाइनल नजिक पुगेको छ र अब पहिलो क्वालिफायरमा पराजित गुजरात टाइटन्ससँग खेल्नेछ। यस क्रममा वैभव सूर्यवंशीले एकै आईपीएल सिजनमा सर्वाधिक छक्का प्रहार गर्ने क्रिस गेलको कीर्तिमान तोडेका छन्।
राष्ट्रिय बी चेस च्याम्पियनसिपमा रिसोन र बिनिताको अग्रता
काठमाडौं । नेपाल बुद्धिचाल महासंघले आयोजना गरेको राष्ट्रिय बी चेस च्याम्पियनसिपको चौथो चरणको खेल सकिँदा पुरुषतर्फ रिसोन थापा र महिलातर्फ बिनिता कपालीले एकल अग्रता कायम गरेका छन्। काँकडभिट्टास्थित नाइट चेस क्लबको व्यवस्थापनमा भइरहेको प्रतियोगितामा शीर्ष खेलाडीहरू २६औं राष्ट्रिय पुरुष र ११औं राष्ट्रिय महिला च्याम्पियनसिपका लागि छनोट हुनेछन्।
