आईसीसी

नेपाली महिला क्रिकेट टोलीले आईसीसीको टी–२० अन्तर्राष्ट्रिय वरीयतामा एक स्थान सुधार गरी २१औँ स्थानमा उक्लिएको छ । यसैबीच, नेपाल क्रिकेट सङ्घ (क्यान) ले 'यू–१९ महिला राष्ट्रिय क्रिकेट प्रतियोगिता २०८३' को प्रसारण अधिकारका लागि ५० हजार रुपैयाँ धरौटीसहितको सिलबन्दी बोलपत्र आह्वान गरेको छ ।

अन्तर्राष्ट्रिय क्रिकेट परिषद् (आईसीसी) ले टेस्ट क्रिकेटमा गुलाबी बल प्रयोग गर्ने विषयमा छलफल सुरु गरेको छ। हालसम्म दिन-रात खेलिने टेस्टमा मात्र प्रयोग हुँदै आएको गुलाबी बललाई अब दिनको खेलमा पनि प्रयोग गर्न सकिने प्रस्तावमाथि आईसीसीको क्रिकेट समितिले छलफल गरेको हो। खराब प्रकाश वा वर्षाका कारण रातो बल स्पष्ट नदेखिने समस्या समाधानका लागि यो प्रस्ताव आएको छ।

नेपाली क्रिकेट टोलीले आईसीसी पुरुष क्रिकेट विश्वकप लिग-२ मा संकटको अवस्थाबाट उत्कृष्ट लय समातेको छ। पछिल्लो दुई साताको खेलमा टोलीले बलिया टिमहरूलाई पराजित गर्दै सातौं स्थानबाट पाँचौं स्थानमा उक्लिएको छ। यसक्रममा नेपालले लिग लिडर अमेरिका र स्कटल्यान्डजस्ता बलिया टोलीहरूलाई पनि हराएको छ।

आईसीसी विश्वकप लिग-२ मा उत्कृष्ट प्रदर्शन गरेका नेपाली क्रिकेट खेलाडीहरूको अन्तर्राष्ट्रिय वरीयतामा सुधार भएको छ। हाल घरेलु मैदानमा जारी सिरिजमा कुशल भुर्तेल, आसिफ शेख, दीपेन्द्र सिंह एरी, सन्दीप लामिछाने, ललित राजवंशी र गुल्सन झा जस्ता खेलाडीहरूको ब्याटिङ, बलिङ र अलराउन्डर वरीयतामा सुधार आएको छ।