7 स्रोत · 7 समाचार

सुरु 5 दिन अघि · अपडेट 1 दिन अघि

सर्वोच्चले अध्यादेशविरुद्धको रिट संवैधानिक इजलासमा पठाउने आदेश दियो

Photo · www.drishtinews.com

सर्वोच्च अदालतले संवैधानिक परिषद््सम्बन्धी अध्यादेशविरुद्ध परेको रिट निवेदन दर्ता गर्ने वा नगर्ने भन्ने विवादलाई संवैधानिक इजलासमा पठाउने आदेश दिएको छ। न्यायाधीश मेघराज पोखरेलको एकल इजलासले अध्यादेशको संवैधानिकता परीक्षण गर्ने संवैधानिक इजलासले नै रिट दर्ता गर्ने वा नगर्ने विषयमा निर्णय गर्नुपर्ने भन्दै उक्त आदेश दिएको हो।

• सामान्यतया अदालत प्रशासनले दरपीठ गरेका निवेदन एक न्यायाधीशको इजलासले सुनुवाइ गरेर टुंग्याउने प्रचलन थियो।
• सर्वोच्चको एकल इजलासले दरपीठविरुद्धको निवेदन संवैधानिक इजलासमा पेश गर्न आदेश दिएको छ।
• आदेशमा भनिएको छ, 'अध्यादेश बदरको माग धारा १३७ बमोजिम संवैधानिक इजलासको क्षेत्राधिकारभित्र पर्ने र प्रस्तुत दरपीठको आदेश बदर मागको निवेदनसमेत उपर संवैधानिक इजलासले नै विचार गर्नुपर्ने देखिंदा संवैधानिक इजलासमा पेश गर्नू ।'
• यसअघि सर्वोच्च अदालतले प्रधानन्यायाधीश सिफारिसविरुद्ध परेको रिट निवेदन औचित्यहीन ठहर गरेको थियो।