Photo · www.hamrokhelkud.com
अर्जेन्टिनाका फुटबल खेलाडी लियोनल मेस्सी आधिकारिक रूपमा अर्बपतिहरूको क्लबमा सामेल भएका छन्, जसले गर्दा उनी क्रिस्टियानो रोनाल्डोपछि यो उपलब्धि हासिल गर्ने इतिहासकै दोस्रो फुटबलर बनेका छन्। ब्लूमबर्ग बिलियनियर्स इन्डेक्सका अनुसार, मेस्सीको कुल सम्पत्ति १ अर्ब डलरभन्दा माथि पुगेको छ।
दृष्टिविहिन चेस प्रतियोगिता सम्पन्न, सन्देश स्याङ्बो च्याम्पियन
नेपालमा पहिलोपटक आयोजित दुई दिने ‘पभिलियन दृष्टिविहिन चेस प्रतियोगिता’ सम्पन्न भएको छ। राष्ट्रिय सहकारी महासंघ हरिहरभवनमा आयोजित प्रतियोगितामा आदर्श सेकेण्डरी स्कुलका सन्देश स्याङ्वोले उपाधि जितेका छन्। प्रतियोगितामा महिलातर्फ ल्यावोटरी स्कूल, किर्तिपुरकी ऋतिका घिमिरे प्रथम भइन्।
विप्लव घोष कोशी प्रदेश खेलकुद विकास बोर्डको सदस्यसचिव नियुक्त
सुनसरीका विप्लव घोष कोशी प्रदेश खेलकुद विकास बोर्डको सदस्यसचिवमा नियुक्त भएका छन्। प्रदेश सरकारले सामाजिक विकासमन्त्री रामप्रसाद महतोको सिफारिसमा प्रदेश खेलकुद ऐन र अध्यादेशबमोजिम उनलाई चार वर्षका लागि नियुक्त गरेको हो। यससँगै करिब आठ महिनादेखि नेतृत्वविहीन रहेको बोर्डले पूर्णता पाएको छ।
क्रिस्टल प्यालेसले पहिलो युरोपियन उपाधि जित्यो, माटेटाको निर्णायक गोल
क्रिस्टल प्यालेसले जिन फिलिप माटेटाले गरेको निर्णायक गोलको मद्दतले रायो भालेसानोलाई १-० ले हराउँदै युइएफए कन्फ्रेन्स लिगको उपाधि जितेको छ। यो क्रिस्टल प्यालेसको इतिहासमा पहिलो युरोपियन उपाधि हो।
एसियन गेम्स छनोट: नेपालले इन्डोनेसियासँग खेल्दै, सेमिफाइनलमा पुग्ने लक्ष्य
मलेसियामा जारी एसियन गेम्स महिला टी-२० क्रिकेट छनोट प्रतियोगिताअन्तर्गत नेपालले आज (बिहीबार) आफ्नो दोस्रो खेलमा इन्डोनेसियाको सामना गर्दैछ। यसअघिको पहिलो खेलमा चीनलाई १९ रनले पराजित गरेको नेपाल, आजको खेल जितेर सेमिफाइनलमा पुग्ने लक्ष्यमा छ।
