3 स्रोत · 3 समाचार

सुरु 1 हप्ता अघि · अपडेट 1 हप्ता अघि

उपन्यासकार ध्रुवकृष्ण ताम्राकारको ‘दह’ उपन्यास अक्षरमार्गद्वारा लोकार्पण

Photo · www.dcnepal.com

अक्षरमार्गले साहित्यकार ध्रुवकृष्ण ताम्राकारको ‘दह’ नामक उपन्यास लोकार्पण गरेको छ। उपन्यासकार ताम्राकारका साथै प्राडा विष्णु एस राई, सूर्य लाकोजू, डा हरिप्रसाद सिलवाल र ध्रुव मधिकर्मीले संयुक्त रूपमा उक्त उपन्यासको विमोचन गरेका हुन्। प्रमुख अतिथि विष्णु राईले ‘दह’ एक पठनीय कृति भएको र यसले समाजमा घट्ने घटनालाई सजीव ढंगले प्रस्तुत गर्ने बताए।

• साहित्यकार सूर्य लाकोजूले उपन्यास समाजमा भएका वास्तविक घटनाहरूमा आधारित रहेकाले पाठकले देखेभोगेका कुरा भएको आभास मिल्ने बताए।
• समालोचक हरिप्रसाद सिलवालले कृति सरल, सरस र गहन रहेको विचार व्यक्त गरे।
• अर्का वक्ता ध्रुव मधिकर्मीले उपन्यास गहन र पठनीय रहेको बताए।
• उपन्यासकार ताम्राकारका यसअघि ‘प्रारम्भ’ र ‘हृदयका उद्गार’ कवितासंग्रह, भावनाका उत्सर्ग गीतसंग्रह, स्पन्दन मुक्तकसंग्रह र आँसुको कथा एवं मिराज कथा संग्रह प्रकाशित छन्।
• अक्षरमार्गद्वारा आयोजित कार्यक्रमको सञ्चालन शम्भुलाल श्रेष्ठले गरेका थिए।