Photo · nayapage.com
रकेट निर्माता कम्पनी स्पेसएक्सले अमेरिकी सेयर बजारमा सर्वसाधारणका लागि सेयर (आईपीओ) निष्कासन गर्ने घोषणा गरेको छ। यो कदमसँगै आगामी महिनादेखि सर्वसाधारण लगानीकर्ताहरूले पनि स्पेसएक्सको स्वामित्व खरिद–बिक्री गर्न पाउने भएका छन्। यो प्रारम्भिक सार्वजनिक निष्कासन (आईपीओ) अमेरिकी सेयर बजारको इतिहासमै सबैभन्दा ठुलो आकारको हुने अपेक्षा गरिएको छ।
कामना सेवा विकास बैंकद्वारा रुपन्देहीको विद्यालयलाई कुलर हस्तान्तरण
कामना सेवा विकास बैंक लिमिटेडले आफ्नो संस्थागत सामाजिक उत्तरदायित्व अन्तर्गत रुपन्देहीको पशुपति माध्यमिक विद्यालयलाई ३ थान कुलर हस्तान्तरण गरेको छ। गर्मीको मौसममा विद्यार्थीहरूलाई पठनपाठनमा सहजता प्रदान गर्ने उद्देश्यले बैंकले यो सहयोग गरेको हो।
आर्थिक सर्वेक्षण २०८२/८३: ४१ लाखभन्दा बढी स्मार्ट चालक अनुमतिपत्र वितरण, ६२ लाख सवारी साधन दर्ता
आर्थिक सर्वेक्षण २०८२/८३ अनुसार, २०८२ फागुनसम्म ४१ लाख १४ हजार १८१ थान सवारी चालक अनुमतिपत्र (स्मार्ट कार्ड) वितरण भएको छ। यस अवधिमा कुल ६२ लाख ४९ हजार ७३२ यातायातका साधन दर्ता भएका छन्, जसमध्ये ५० लाखभन्दा बढी मोटरसाइकल रहेका छन्। इम्बोस्ड नम्बर प्लेट उत्पादनको तुलनामा जडान प्रक्रिया भने सुस्त देखिएको छ।
सार्वजनिक संस्थानको अवस्था: २७ नाफामा, १६ घाटामा, सरकारी लगानी ७ खर्ब ९८ अर्ब
आर्थिक वर्ष २०८१-८२ सम्म सञ्चालनमा रहेका ४५ सार्वजनिक संस्थानमध्ये २७ वटा नाफामा रहेका छन् भने १६ वटा घाटामा सञ्चालन भइरहेका छन्। दुईवटा संस्थान बन्द अवस्थामा छन्। २०८२ असारसम्म सार्वजनिक संस्थानमा नेपाल सरकारको कुल लगानी ७ खर्ब ९८ अर्ब ५६ करोड रुपैयाँ पुगेको छ, जसमा सेयर लगानी ३ खर्ब ७० अर्ब २५ करोड र ऋण लगानी ४ खर्ब २८ अर्ब ३१ करोड रुपैयाँ रहेको छ।
आर्थिक सर्वेक्षण २०८२/८३ सार्वजनिक: आर्थिक वृद्धिदर ३.८५ प्रतिशत रहने अनुमान
अर्थमन्त्री डा. स्वर्णिम वाग्लेले संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै चालू आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको बताएका छन्। विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धिदरलाई सकारात्मक मानिएको छ। सर्वेक्षणअनुसार मुलुकको अर्थतन्त्रको कुल आकार ६६ खर्ब रुपैयाँ पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ।
