Photo · www.canadanepal.com
इलामको रोङ गाउँपालिकाले संघीय सरकारले लागू गरेको आइतबार सार्वजनिक बिदा र बिहान ९ बजेदेखि कार्यालय सञ्चालन गर्ने निर्णय अस्वीकार गरेको छ। गाउँपालिकाका अध्यक्ष मणि कुमार स्याङ्बोले पहाडी जिल्लाको भौगोलिक अवस्था र सेवा प्रवाहको व्यावहारिक कठिनाइलाई मध्यनजर गर्दै सामुदायिक विद्यालयबाहेक अन्य कार्यालयहरू पुरानै समय तालिकामा सञ्चालन हुने निर्णय गरेको बताएका छन्। यो व्यवस्था असार मसान्तसम्म लागू हुनेछ।
गगन थापाको बजेट आलोचना: संरचनागत सुधार सकारात्मक, गरिबप्रति सरकार अनुदार
नेपाली काँग्रेसका सभापति गगनकुमार थापाले आगामी आर्थिक वर्षको बजेटमा केही संरचनागत र नीतिगत सुधारका प्रयास सकारात्मक भए पनि सरकारले न्यून आय भएका र विपन्न वर्गका समस्या सम्बोधन गर्न नसकेको टिप्पणी गरेका छन्। उनले बजेटले गरिबी निवारणभन्दा 'गरिब मास्ने' नियत राखेको आरोप लगाएका छन्।
नेकपा (एमाले) संसदीय दलको बैठकमा आगामी बजेटबारे छलफल जारी
सिंहदरबारमा जारी नेकपा (एमाले) को संसदीय दलको बैठकमा आगामी आर्थिक वर्ष २०८३/८४ को बजेटका प्राथमिकता, नीति तथा कार्यक्रमबारे छलफल भइरहेको छ। बैठकमा सांसदहरूले बजेटलाई जनसरोकारका विषयसँग जोड्ने बारेमा आ-आफ्नो धारणा राखिरहेका छन्।
राप्रपामा विद्रोह: महामन्त्री राणाको नेतृत्वमा सामूहिक राजीनामा र नयाँ दल दर्ताको तयारी
राष्ट्रिय प्रजातन्त्र पार्टी (राप्रपा) का महामन्त्री डा. धवलशमशेर राणाको नेतृत्वमा रहेको समूहले पार्टी अध्यक्ष राजेन्द्र लिङ्देनको कार्यशैलीप्रति असन्तुष्टि जनाउँदै पार्टी परित्याग गर्ने तयारी गरेको छ। उनीहरूले आगामी जेठ १८ गते पत्रकार सम्मेलन गरी सामूहिक राजीनामा घोषणा गर्ने र मेडिकल व्यवसायी दुर्गा प्रसाईंसँग मिलेर नयाँ दल दर्ता गर्ने योजना बनाएका छन्।
नेपाली कांग्रेसले आगामी निर्वाचनमा कम्तीमा १०० स्थानीय तहको प्रमुखमा महिला उम्मेदवार बनाउने गगन थापाको घोषणा
नेपाली कांग्रेसका सभापति गगन थापाले आगामी स्थानीय तहको निर्वाचनमा कम्तीमा १०० स्थानीय तहको प्रमुख पदमा महिला उम्मेदवार उठाउने लक्ष्य रहेको बताएका छन्। शनिबार नेपाल थारु संघको अधिवेशनमा बोल्दै उनले पार्टीले महिलाको राजनीतिक प्रतिनिधित्व बढाउने तयारी अघि बढाएको जानकारी दिए। उनका अनुसार ७५३ स्थानीय तहमध्ये कम्तीमा १०० पालिकामा नेपाली कांग्रेसको तर्फबाट महिला मेयर वा अध्यक्ष उम्मेदवार उठाउने योजना बनाइएको छ।
