Photo · gorkhapatraonline.com
इपिडिमियोलोजी तथा रोग नियन्त्रण महाशाखाका निर्देशक डा. अनुज भट्टचनले विश्व उच्च रक्तचाप दिवसको अवसरमा उच्च रक्तचापलाई नियन्त्रणमा राख्न नियमित जाँच गर्न आग्रह गरेका छन्। उनले उच्च रक्तचाप विश्वव्यापी रूपमा एक गम्भीर जनस्वास्थ्य समस्याका रूपमा देखा परेको र यसलाई "मृत्युको मौन कारक" पनि भनिने बताए। समयमै पहिचान र उपचार नहुँदा मुटुरोग, मस्तिष्कघातलगायत जटिल स्वास्थ्य समस्या निम्तिन सक्ने उनको भनाइ छ।
स्वास्थ्य बीमा बोर्डद्वारा निजी अस्पतालमा आकस्मिकबाहेकका सेवा स्थगित
स्वास्थ्य बीमा बोर्डले वित्तीय संकटको कारण देखाउँदै जेठ १६ गतेदेखि लागू हुने गरी निजी स्वास्थ्य संस्थामा आकस्मिकबाहेकका सबै स्वास्थ्य बीमा सेवा स्थगित गरेको छ। बोर्डको जेठ ११ गते बसेको बैठकले गरेको यो निर्णयले स्वास्थ्य बीमा कार्यक्रममा आबद्ध निजी स्वास्थ्य संस्थाहरूबाट प्रदान गरिने नियमित सेवाहरू अर्को सूचना नभएसम्मका लागि बन्द रहनेछ।
उत्तरी गोरखाबाट गम्भीर बिरामी सुत्केरी महिलाको हेलिकोप्टरबाट उद्धार
उत्तरी गोरखाको धार्चे गाउँपालिकाकी एक गम्भीर अवस्थाकी सुत्केरी महिला विमला विकलाई नेपाली सेनाको हेलिकोप्टरमार्फत उद्धार गरी काठमाडौंको परोपकार प्रसूतिगृहमा पुर्याइएको छ। सुत्केरी भएपछि एक्लम्सिया नामक गम्भीर बिरामीले ग्रस्त भएकी विकलाई तत्काल सघन उपचारको आवश्यकता परेपछि उद्धार गरिएको हो।
प्रदेश अस्पताल सुर्खेतले सार्वजनिक बिदामा पनि ओपीडी सेवा सञ्चालन गर्ने
प्रदेश अस्पताल सुर्खेतले सार्वजनिक बिदाका दिनमा पनि ओपीडी सेवा सञ्चालन गर्ने भएको छ। नेपाल सरकार गृह मन्त्रालयको राजपत्रमा प्रकाशित सार्वजनिक सेवा प्रवाहसम्बन्धी विशेष व्यवस्थाअनुसार यो निर्णय गरिएको हो। कर्णालीको भौगोलिक विकटताका कारण टाढाबाट आउने बिरामीलाई सहज होस् भन्ने उद्देश्यले अस्पतालले यस्तो निर्णय लिएको छ।
रुसले इबोलाको नयाँ स्ट्रेनविरुद्ध खोप विकास गरेको दाबी
रुसले अफ्रिकामा बढ्दो इबोला सङ्क्रमणको जोखिमलाई मध्यनजर गर्दै 'बुन्डिबुग्यो' स्ट्रेनविरुद्ध प्रभावकारी हुन सक्ने नयाँ खोप विकास गरेको दाबी गरेको छ। रुसी स्वास्थ्यमन्त्री मिखाइल मुराश्कोलाई उद्धृत गर्दै दक्षिण अफ्रिकास्थित रुसी दूतावासले उक्त खोपले दुर्लभ स्ट्रेनबाट सुरक्षा दिन सक्ने सम्भावना रहेको जनाएको छ। यसबीच, विश्व स्वास्थ्य सङ्गठनले कङ्गो र युगान्डामा देखिएको प्रकोपलाई अन्तर्राष्ट्रिय चासोको सार्वजनिक स्वास्थ्य आपतकालका रूपमा वर्गीकृत गरेको छ।
