Photo · www.dcnepal.com
पोखरा अन्तर्राष्ट्रिय विमानस्थलबाट पहिलोपटक भारतको भोपालस्थित राजा भोज विमानस्थलमा मेडिकल रेस्क्यु चार्टर उडान भएको छ। श्री एयरलाइन्सको जहाजले मुक्तिनाथ दर्शनका क्रममा बिरामी परेका भारतीय नागरिक शम्भु दयाल श्रीवास्तवलाई थप उपचारका लागि भारत लगेको हो। यो उडान पोखराबाट भारतका लागि भएको पहिलो चार्टर उडान हो।
श्रीलंकाले नेपाली नागरिकका लागि ३० दिने निःशुल्क पर्यटक भिसा घोषणा गर्यो
श्रीलंका सरकारले नेपाली नागरिकहरूका लागि ३० दिनको दुई पटक प्रवेश गर्न मिल्ने पर्यटक भिसा पूर्ण रूपमा निःशुल्क उपलब्ध गराउने निर्णय गरेको छ। यो व्यवस्था मे २५, २०२६ देखि लागू भएको छ। यस कदमले दुई देशबीचको पर्यटकीय सम्बन्धलाई थप मजबुत बनाउने अपेक्षा गरिएको छ।
चीनको ग्वाङ्झाउमा नेपाललाई ‘सबैभन्दा आकर्षक पर्यटकीय गन्तव्य’ सम्मान
चीनको ग्वाङ्झाउमा आयोजित अन्तर्राष्ट्रिय पर्यटन मेलामा नेपाललाई ‘मोस्ट चार्मिङ टुरिज्म डेस्टिनेसन’ अर्थात् ‘सबैभन्दा आकर्षक पर्यटकीय गन्तव्य’को सम्मान प्रदान गरिएको छ। नेपाल पर्यटन बोर्डका अनुसार, नेपालको प्राकृतिक सौन्दर्य, आध्यात्मिकता, सांस्कृतिक विविधता तथा साहसिक पर्यटनको आकर्षणका आधारमा यो सम्मान दिइएको हो। यस मेलामा नेपालले ‘नेपालः जीवनभरको अनुभव’ भन्ने नारासहित आफ्नो पर्यटन सम्भावना प्रस्तुत गरेको थियो।
विदेशी पर्यटकको बसाइ अवधि बढ्यो, दैनिक खर्च घट्यो: आर्थिक सर्वेक्षण
सरकारले सार्वजनिक गरेको आर्थिक सर्वेक्षण २०८२/८३ अनुसार, पछिल्लो एक दशकमा ८३ लाख ८५ हजार विदेशी पर्यटकले नेपाल भ्रमण गरेका छन्। पर्यटकको औसत बसाइ अवधि बढेर १६.३४ दिन पुगेको छ भने प्रतिपर्यटक प्रतिदिन औसत खर्च घटेर ३३.०८ अमेरिकी डलर पुगेको छ।
निलम पौडेलले सगरमाथा आरोहण गरी पहिलो ट्रान्स महिला बनिन्
नेपालकी ट्रान्स महिला निलम पौडेलले सगरमाथाको सफल आरोहण गर्दै विश्वको सर्वोच्च शिखर चुम्ने पहिलो ट्रान्स महिला बनेर ऐतिहासिक उपलब्धि हासिल गरेकी छन्। जेठ ९ गते शनिबार भएको यो आरोहणलाई एलजीबीटीक्यू समुदायले समावेशिता र समानताको दिशामा महत्त्वपूर्ण कदमका रूपमा स्वागत गरेका छन्। पौडेलले यो सफलतालाई आफूलाई कहिल्यै स्वीकार नगरिएको महसुस गर्ने सबै मानिसहरूको बताएकी छन्।
