Photo · singhadurbarnews.com
पत्रकार महासंघकी अध्यक्ष निर्मला शर्माले वर्तमान संविधानले सुनिश्चित गरेको प्रेस तथा अभिव्यक्ति स्वतन्त्रता कुण्ठित हुने खतरा बढेको भन्दै चिन्ता व्यक्त गरेकी छन्। उनले सरकारले विज्ञापन वितरणमा एकाधिकार कायम गर्दै सरकारी सञ्चारमाध्यमलाई मात्र सूचना दिने निर्णयले मिडियामाथि अंकुश लगाउने काम गरेको आरोप लगाएकी छन्। शर्माले लोकतन्त्र र प्रेस स्वतन्त्रतामाथि दबाब बढ्दै गएको र पत्रकारहरू असुरक्षित महसुस गरिरहेको बताइन्।
पोखरा महानगरपालिकाले अतिक्रमित संरचना हटाउँदै, सडक विस्तारको तयारी
पोखरा महानगरपालिकाले पृथ्वीचोकको मूल सडक क्षेत्रमा रहेका अतिक्रमित संरचनाहरू हटाउने अभियान सुरु गरेको छ। पोखरा उपत्यका नगर विकास समितिको स्वामित्वमा रहेको जग्गामा बनेका भवनहरू डोजर लगाएर भत्काइनेछ। महानगर प्रमुख धनराज आचार्यका अनुसार जग्गा अतिक्रमण गरी बनाइएका संरचना हटाएर उक्त क्षेत्रमा दुई लेनको सडक निर्माण गरिनेछ।
सुकुम्बासी बस्ती भत्काइयो, विस्थापितको व्यवस्थापन अन्योलमा
सरकारले काठमाडौं उपत्यकाका थापाथलीसहितका विभिन्न क्षेत्रमा अनधिकृत रुपमा बसोबास गर्दै आएका अव्यवस्थित बसोवासीहरूको घरटहरा भत्काएको एक महिना बितिसक्दा पनि विस्थापितहरूको उचित पुनस्र्थापना र व्यवस्थापनको विषय अन्योलमा रहेको छ। वागमती नदी किनारका अव्यवस्थित संरचनाहरू हटाएपछि उक्त क्षेत्र हाल बगरमा परिणत भएको छ र भत्किएका संरचनाका अवशेषहरू मात्र बाँकी छन्।
राष्ट्रपति पौडेल र मुख्यमन्त्री आचार्यद्वारा बकर इदको शुभकामना, सामाजिक सद्भावमा जोड
राष्ट्रपति रामचन्द्र पौडेल र लुम्बिनी प्रदेशका मुख्यमन्त्री चेतनारायण आचार्यले मुस्लिम समुदायको महान् पर्व इद–उल–अजहा (बकर इद) को अवसरमा शुभकामना व्यक्त गर्दै यस पर्वले सामाजिक सद्भाव, सहिष्णुता र राष्ट्रिय एकतालाई प्रगाढ बनाउने विश्वास व्यक्त गरेका छन्। राष्ट्रपति पौडेलले यस पर्वले मातृभूमिसँगको आत्मिय सम्बन्ध अझ प्रगाढ बनाउँदै राष्ट्रिय समृद्धि र विकासमा योगदान पुर्याउने उल्लेख गरेका छन्।
सहकारीमा बेथिति, कमजोर नियमनले जनविश्वास गुमेको निष्कर्ष
सरकारले सार्वजनिक गरेको 'सहकारीमा भएको बेथिति जाँचबुझ आयोग, २०८२' को प्रतिवेदनले सहकारी क्षेत्रमा वित्तीय अनियमितता, बचतकर्ताको रकम दुरुपयोग र कमजोर नियमनका कारण जनविश्वास गुमेको निष्कर्ष निकालेको छ। प्रतिवेदनले दर्ता, कार्यक्षेत्र विस्तार र सेवा केन्द्र थप गर्ने क्रममा मापदण्ड पालना नहुँदा धेरै सहकारी समस्याग्रस्त बनेको औंल्याएको छ।
