6 स्रोत · 7 समाचार

सुरु 2 दिन अघि · अपडेट 1 दिन अघि

चौथो ‘काठमाडौं कलिङ साहित्य महोत्सव’ जेठ २३ र २४ मा आयोजना हुने

Photo · www.makalukhabar.com

चौथो संस्करणको ‘काठमाडौं कलिङ साहित्य महोत्सव’ जेठ २३ र २४ गते आयोजना हुने भएको छ। ‘सीमाभन्दा परः परिवर्तनशील विश्वमा दक्षिण एसियाली साहित्य’ विषयक यस दुईदिने महोत्सवमा दक्षिण एसियाका दर्जनौँ लेखक, कलाकार, चलचित्रकर्मी, संगीतकार, कूटनीतिज्ञ र बुद्धिजीवीको सहभागिता रहने महोत्सवकी निर्देशक रञ्जना निरौलाले जानकारी दिएकी छन्। महोत्सवमा पहिचान, बसाइँसराइ, समावेशिता, अध्यात्म, वातावरण र सामाजिक सहभागिताजस्ता विषयमा छलफल गरिनेछ।

• महोत्सवमा समूहगत छलफल, मुख्य वक्तव्य, कविता वाचन, साङ्गीतिक प्रस्तुति, पुस्तक विमोचन र कार्यशाला जस्ता कार्यक्रम समावेश हुनेछन्।
• भारतको ओडिशास्थित भुवनेश्वरमा आधारित ‘कलिङ साहित्य महोत्सव (केएलएफ)’ ले सन् २०२२ देखि नेपाल, भारत र दक्षिण एसियाली देशहरूबीच साहित्यिक, सांस्कृतिक र बौद्धिक आदानप्रदानलाई केन्द्रमा राखी महोत्सव आयोजना गर्दै आएको छ।
• यस संस्करणमा ‘गीत सुन्ने कि हेर्ने ?’, ‘नेपाली काव्य’, ‘समाज, सभ्यता र संस्कृति’, ‘नारी लेखनः समानता र स्वतन्त्रता’ लगायत दुई दर्जन विषयमा छलफल हुनेछन्।
• महोत्सव यशस्वी प्रज्ञान प्रतिष्ठानको सहकार्यमा आयोजना हुन लागेको हो।