स्याङ्जाको पुतलीबजार नगरपालिकाका सब-इन्जिनियर समित जिरेलमाथि कार्यकक्षमै प्रवेश गरी कुटपिट र अभद्र व्यवहार भएको छ। नगरपालिकाका अनुसार वडा नं. ३ का बाबुराम शर्माले योजना माग्ने विषयमा विवाद हुँदा जिरेलमाथि हातपात गरेका हुन्। घटनापछि प्रहरीले शर्मालाई पक्राउ गरी अभद्र व्यवहार मुद्दामा अनुसन्धान थालेको छ।
लागूऔषध सहित विभिन्न स्थानबाट १७ जना पक्राउ
प्रहरीले देशका विभिन्न स्थानबाट लागूऔषध सहित १७ जनालाई पक्राउ गरेको छ। काठमाडौं, कञ्चनपुर, नुवाकोट र सुनसरी लगायतका स्थानमा लागूऔषध कारोबारमा संलग्न व्यक्तिहरूलाई प्रहरीले नियन्त्रणमा लिएको हो।
-1778668160.jpg)
सर्वोच्चले विवाह इन्कार गर्दा आत्महत्या दुरुत्साहन नहुने व्याख्या गर्यो
सर्वोच्च अदालतले एक मुद्दामा विवाह गर्न इन्कार गर्दा आत्महत्या दुरुत्साहन ठहर नहुने व्याख्या गरेको छ। न्यायाधीशहरू कुमार रेग्मी र बालकृष्ण ढकालको इजलासले कैलालीको एक मुद्दामा यस्तो फैसला सुनाएको हो, जसको पूर्णपाठ हालै सार्वजनिक भएको छ। अदालतले केवल विवाह इन्कारलाई आत्महत्या दुरुत्साहन मान्नु फौजदारी न्यायमा विकृति ल्याउने ठहर गरेको छ।
सीआईबीले ५६ जनाको सेयर कारोबार रोक्का गर्न धितोपत्र बोर्डलाई पत्र पठायो
केन्द्रीय अनुसन्धान ब्युरो (सीआईबी)ले धितोपत्रसम्बन्धी ऐन, २०६३ अन्तर्गतको कसुरमा अनुसन्धानका लागि भन्दै दीपक भट्टसँग जोडिएका ५६ जना लगानीकर्ता तथा विभिन्न कम्पनीका उच्च पदस्थ अधिकारीहरूको सेयर कारोबार रोक्का गर्न नेपाल धितोपत्र बोर्डलाई पत्र पठाएको छ। सीआईबीले अनुसन्धान अवधिभर सम्बन्धित व्यक्तिहरूको सेयर बिक्री, हस्तान्तरण तथा कारोबार रोक्का राख्न र उनीहरूको नाममा रहेको सम्पूर्ण लगानी तथा धितोपत्र कारोबारको विवरण उपलब्ध गराउन आग्रह गरेको छ।
-1779969054.jpg)
लागूऔषध, बलात्कार आरोप र सुन चोरीका घटनामा प्रहरीद्वारा १७ जना पक्राउ
विभिन्न स्थानबाट लागूऔषध सहित १७ जनालाई प्रहरीले नियन्त्रणमा लिएको छ। यसैगरी, २० वर्षीया युवतीलाई बलात्कार गरेको आरोपमा जाजरकोटमा एक जना पक्राउ परेका छन्। यसैबीच, अमेरिकी गुप्तचर संस्था सिआइएका एक अधिकृतमाथि संस्थाबाट ३०३ किलो सुन चोरी गरेको आरोप लागेको छ।
