Photo · newspolar.com
नेपाली कांग्रेसका सभापति गगनकुमार थापाले पार्टीको १४औँ महाधिवेशनबाट निर्वाचित भई हाल जिम्मेवारीमा नरहेका नेताहरूलाई केन्द्रीय समिति र अन्य समितिमा समेटेर सँगै काम गर्न चाहेको प्रस्ताव गरेका छन्। उनले पार्टीभित्र विशेष महाधिवेशन पक्षधर वा विपक्षी भनेर विभेद नगरी सबैलाई समान अवसर दिने र आवश्यक परेमा वरिष्ठ नेताको जिम्मेवारी दिनेसम्मको प्रस्ताव गरेका छन्।
सार्वजनिक खरिद अनुगमन कार्यालयद्वारा ११ निर्माण कम्पनी कालो सूचीमा
सार्वजनिक खरिद अनुगमन कार्यालयले विभिन्न निकायबाट प्राप्त सूचनाका आधारमा ११ वटा निर्माण कम्पनीलाई कालो सूचीमा राखेको छ। सार्वजनिक खरिद ऐन, २०६३ को दफा ६३ को उपदफा (१) बमोजिम काम समयमै पूरा नगरेको भन्दै यी कम्पनीलाई एक वर्षदेखि तीन वर्षसम्मका लागि कालो सूचीमा राखिएको हो। यस अवधिमा उनीहरूले कुनै पनि खरिद कारबाहीमा भाग लिन पाउने छैनन्।
प्रधानमन्त्री, रास्वपा सभापति र अर्थमन्त्रीबीच आगामी बजेटबारे छलफल
प्रधानमन्त्री बालेन शाह, राष्ट्रिय स्वतन्त्र पार्टी (रास्वपा) का सभापति रवि लामिछाने र अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ को बजेटलाई अन्तिम रूप दिन छलफल गरेका छन्। अर्थमन्त्री वाग्लेले आगामी बजेट परम्परागत नभई मुलुकको अर्थतन्त्रमा रूपान्तरणकारी भूमिका खेल्ने बताएका छन्।
पोखरा बसपार्क जग्गा प्रकरणको छानबिन गर्न पूर्वन्यायाधीशको अध्यक्षतामा समिति गठन
पोखरा बसपार्क निर्माणका लागि २०३० सालमा अधिग्रहण गरिएको जग्गाको सट्टापट्टा, बिक्री-वितरण र क्षतिपूर्ति वितरण प्रक्रियामा उठेका गुनासा र विवादको छानबिन गर्न पोखरा उपत्यका नगर विकास समितिले पूर्वन्यायाधीश शङ्करराज बरालको अध्यक्षतामा तीन सदस्यीय समिति गठन गरेको छ। समितिलाई १५ कार्यदिनभित्र प्रतिवेदन बुझाउन समयसीमा तोकिएको छ।
सरकारद्वारा २९ सहसचिवको सरुवा, मन्त्रिपरिषद् बैठकद्वारा निर्णय
सरकारले २९ जना सहसचिवको सरुवा गरेको छ। सोमबार बसेको मन्त्रिपरिषद् बैठकले विभिन्न संघीय, प्रदेश तथा स्थानीय तहमा कार्यरत सहसचिवहरूको सरुवा तथा कामकाजको जिम्मेवारी तोकेको हो। यस सरुवामा केही प्रभावशाली सहसचिवलाई प्रदेशमा पठाइएको छ भने केहीलाई पुनः शक्तिशाली मन्त्रालयमा व्यवस्थापन गरिएको छ।
