3 स्रोत · 3 समाचार

सुरु 1 दिन अघि · अपडेट 8 घण्टा अघि

कल्पना खरेलको ‘नन्दनी’ ‘जगत मर्दन थापा वर्ष गीति पुस्तक पुरस्कार’का लागि मनोनयनमा

Photo · sahityapost.com

शब्दमिडिया प्रा.लि साहित्यपोस्टबाट प्रकाशित कल्पना खरेलको गीति सङ्ग्रह ‘नन्दनी’ २०८२ सालको ‘जगत मर्दन थापा वर्ष गीति पुस्तक पुरस्कार’का लागि मनोनयनमा परेको छ । सोही पुरस्कारका लागि ध्रुव खनालको ‘मनको आँखा’ र डा. ज्ञानेन्द्र गदालको ‘भोलिको आश उज्यालो’ पनि मनोनयनमा परेका छन् । उत्कृष्ट कृतिले नगद ५७ हजार रुपैयाँ प्राप्त गर्नेछ ।

• गीतकार सङ्घ नेपालले २०८२ सालका लागि प्रदान गरिने सम्मान तथा पुरस्कारहरूको घोषणा गरेको छ ।
• सङ्घको जेठ १३ गते बसेको कार्यसमिति बैठकको निर्णयअनुसार सम्मान तथा पुरस्कारहरू २०८३ साल भदौ महिनामा काठमाडौँमा आयोजना गरिने विशेष समारोहमा प्रदान गरिनेछ ।
• ‘अमर–भावना राष्ट्रिय स्रष्टा सम्मान’बाट अग्रज गीतकार नीर शाहलाई नगद १ लाख ५१ हजार रुपैयाँ, ताम्रपत्र र दोसल्लासहित सम्मान गरिनेछ ।
• डायस्पोरा गीतकार सम्मानबाट बेलायतमा रहेर नेपाली गीत लेखनमा योगदान पुर्‍याउँदै आउनुभएका नीलम आङबुहाङ राईलाई नगद १५ हजारसहित सम्मान गरिनेछ ।
• ‘विष्णु–मन्सरा घले मातृभाषा गीतकार सम्मान’बाट लोहोरुङ राई भाषाका गीतकार नाईन्द्र लोहोरुङलाई नगद २५ हजार २ सय ५२ रुपैयाँसहित सम्मान गरिनेछ ।