बैंकिङ्ग कसुर मुद्दामा जरिवाना तोकिएका फरार प्रतिवादी गजिन्द्र पुन पक्राउ

प्रहरीको नक्कली परिचयपत्र देखाएर व्यवसायी तथा स्थानीयलाई धम्क्याउने आशिष सुनुवारलाई प्रहरीले काठमाडौंको गौरीघाटबाट पक्राउ गरेको छ। सुनुवारले आफू केन्द्रीय अनुसन्धान ब्यूरोको सहायक हवल्दार भएको भन्दै केही समयदेखि चाबहिललगायतका स्थानमा होटल व्यवसायी र सर्वसाधारणलाई धम्क्याउँदै हिँडेको जिल्ला प्रहरी परिसर काठमाडौँका प्रहरी उपरीक्षक पवनकुमार भट्टराईले जानकारी दिए।

केन्द्रीय अनुसन्धान ब्युरो (सीआईबी)ले धितोपत्रसम्बन्धी कसुरमा दीपक भट्टसँग जोडिएका ५६ जना व्यवसायीको शेयर रोक्का गर्न नेपाल धितोपत्र बोर्डलाई पत्र लेखेको छ। ब्युरोले ११ जेठमा पठाएको पत्रमा ती व्यवसायीहरूको लगानी विवरण पठाउन र सम्पत्ति रोक्का राख्न अनुरोध गरिएको छ।

केन्द्रीय अनुसन्धान ब्युरो (सीआईबी) ले दुग्ध विकास संस्थान (डिडिसी) को केन्द्रीय कार्यालयमा छापा मारी केही कागजात नियन्त्रणमा लिएको छ। डिडिसीसँग सम्बन्धित सूचनाका आधारमा प्रहरी टोलीले कार्यालयमा पुगेर अनुसन्धानका लागि आवश्यक कागजातहरू संकलन गरेको हो। अनुसन्धान जारी रहेको र थप विवरण खुलाइएको छैन।

प्रभु बैंक लिमिटेडका प्रमुख कार्यकारी अधिकृत सुमन शर्मा, प्रमुख व्यापार अधिकृत रमेश कुमार श्रेष्ठ र पूर्व प्रमुख कार्यकारी अधिकृत अशोक शेरचनविरुद्ध बैंकको किर्ते (नक्कली) स्टेटमेन्ट बनाएर ३ करोड ५० लाख रुपैयाँ ठगी गरेको भन्दै केन्द्रीय अनुसन्धान ब्युरो (सीआईबी) मा जाहेरी परेको छ। पीडित अम्बिरबाबु गुरुङले बैंकका उच्च अधिकारीहरूले ठगी र विश्वासघात गरेको दाबी गरेका छन्।