4 स्रोत · 4 समाचार

सुरु 1 दिन अघि · अपडेट 21 घण्टा अघि

आर्थिक सर्वेक्षण: विद्युत् विस्तार बढ्दा पनि दाउराको प्रयोग अत्यधिक

Photo · shilapatra.com

अर्थ मन्त्रालयले सार्वजनिक गरेको आर्थिक सर्वेक्षण २०८२/८३ अनुसार, पछिल्ला वर्षहरूमा विद्युत् विस्तार उल्लेख्य रूपमा वृद्धि भए पनि ऊर्जाको स्रोतमा अझै पनि दाउराको प्रयोग अत्यधिक भइरहेको पाइएको छ । चालु आवको आठ महिनाको अवधिमा दाउराको प्रयोग झिनो मात्रामा मात्रै घटेको छ । यस अवधिमा पेट्रोलियम पदार्थको आयात र खपतमा भने उल्लेख्य गिरावट आएको छ ।

• आव २०८१/८२ को फागुन मसान्तसम्ममा ऊर्जाको स्रोतका रूपमा ५१.९ प्रतिशत दाउरा प्रयोग भएकोमा चालु आवको सोही अवधिसम्म ४८.९ प्रतिशत प्रयोग भएको छ ।
• कृषि अवशेष चार दशमलव सात प्रतिशत, गुइँठा एक दशमलव तीन प्रतिशत, पेट्रोलियम पदार्थ २१.८ प्रतिशत, विद्युत् १२.१ प्रतिशत र नवीकरणीय ऊर्जा २.१ प्रतिशत बराबर रहेको छ ।
• चालु आर्थिक वर्ष २०८२/८३ को पहिलो आठ महिनामा पेट्रोलको आयात १० प्रतिशतले, डिजेलको आयात ९.९ प्रतिशतले, एलपी ग्यासको आयात ११.१ प्रतिशतले, मट्टीतेलको आयात ४७.७ प्रतिशतले र हवाई इन्धनको आयात ८.६ प्रतिशतले घटेको छ ।
• देशको कूल जडित विद्युत् क्षमता ४ हजार १ सय ५ मेगावाट पुगेको छ र ९९.१ प्रतिशत जनसङ्ख्यामा विद्युत्को पहुँच पुगेको छ ।