Photo · www.osnepal.com
नेपाली कांग्रेसका सभापति गगन थापाले बकर ईद (ईद–उल–अज्हा) का अवसरमा शुभकामना सन्देश जारी गर्दै नेपाल बहुजातीय, बहुभाषिक, बहुधार्मिक तथा बहुसांस्कृतिक विशेषताले सम्पन्न राष्ट्र भएको बताएका छन्। उनले बकर ईदले नेपाली समाजमा आपसी प्रेम, सद्भाव, सहकार्य र सामाजिक एकताको भावना अझ सुदृढ बनाउने विश्वास व्यक्त गरे।
धार्मिक सद्भाव भड्काउने अभिव्यक्ति दिएको आरोपमा जनक परियार पक्राउ
काठमाडौंमा धार्मिक सद्भाव भड्काउने अभिव्यक्ति दिएको अभियोगमा जनक परियार पक्राउ परेका छन्। रुकुम पश्चिम घर भई हाल काठमाडौंको टोखा नगरपालिका बस्ने परियारलाई प्रहरीले नियन्त्रणमा लिएर थप अनुसन्धान गरिरहेको छ। केही दिनअघि अनामनगरस्थित संवाद डबलीमा उनले यस्तो अभिव्यक्ति दिएका थिए।
मुस्ताङमा विश्वकै ठूलो शालिग्राम मूर्ति उद्घाटन गरियो, जगद्गुरु शंकराचार्यद्वारा समुद्घाटन
मुस्ताङको घरपझोङ गाउँपालिका–४ जोमसोमस्थित कालीगण्डकी तटमा २२ फिट अग्लो विश्वकै ठूलो शालिग्राम मूर्ति उद्घाटन गरिएको छ। कर्नाटक राज्यको शृङ्गेरी शारदा पीठका पीठाधीश्वर जगद्गुरु शंकराचार्य महास्वामी विधुशेखर भारती महाराजले धार्मिक विधिपूर्वक यस विशाल शालिग्रामको समुद्घाटन गरेका हुन्। यसबाट यस क्षेत्रको धार्मिक पर्यटन प्रवर्द्धन हुने अपेक्षा गरिएको छ।
पत्रकार ऋषि धमलाद्वारा बकर इदको शुभकामना, राष्ट्रिय एकता र भाइचारा सुदृढ पार्न जोड
चर्चित पत्रकार ऋषि धमलाले बकर इद (ईद–उल–अजहा) को अवसरमा देश–विदेशमा रहेका सम्पूर्ण मुस्लिम समुदायमा शुभकामना व्यक्त गरेका छन्। उनले यस पर्वले नेपाली समाजमा आपसी सद्भाव, प्रेम, भाइचारा, सहिष्णुता र राष्ट्रिय एकतालाई अझ सुदृढ बनाउन प्रेरणा दिने विश्वास व्यक्त गरेका छन्।
खुलामञ्चमा बकर इद पर्व मनाइयो, शान्ति र समृद्धिको कामना
मुस्लिम धर्मावलम्बीहरूको दोस्रो महान् पर्व बकर इद काठमाडौँको खुलामञ्चमा धार्मिक श्रद्धा, सामाजिक सद्भाव र उत्साहका साथ मनाइएको छ । यस अवसरमा सयौँ मुस्लिम धर्मावलम्बीले सामूहिक नमाज अदा गर्दै देशमा शान्ति, सहिष्णुता र आपसी एकताको कामना गरेका थिए । डा. अबुल हुसैन अन्सारीका अनुसार यो पर्व त्याग, अनुशासन, मानव सेवा र सामाजिक उत्तरदायित्वको सन्देश दिने विशेष अवसर हो ।
