Photo · bizmandu.com
प्राविधिक तथा व्यावसायिक शिक्षाको प्रमुख निकाय सिटीईभिटी अन्तर्गतका नर्सिङ, स्टाफ नर्स, एचए, फार्मेसी लगायतका स्वास्थ्य शिक्षा कार्यक्रमको सम्बन्धन प्रक्रिया लामो समयदेखि रोकिएको कारण स्वास्थ्य शिक्षा क्षेत्र अन्योलग्रस्त बनेको छ। सरोकारवालाहरूले प्रधानमन्त्री, शिक्षामन्त्री, स्वास्थ्यमन्त्री लगायतलाई सम्बोधन गर्दै स्वास्थ्य शिक्षा क्षेत्रलाई राजनीतिक प्रभाव र आर्थिक चलखेलबाट मुक्त गरी तत्काल निष्पक्ष निर्णयको माग गरेका छन्। उनीहरूका अनुसार, दक्ष स्वास्थ्यकर्मीको अभावले नेपालको स्वास्थ्य प्रणाली दीर्घकालीन संकटमा धकेलिने खतरा बढेको छ।
काठमाडौं महानगरपालिकामा कक्षा ११ र १२ को छात्रवृत्तिका लागि २६,८८८ विद्यार्थीको आवेदन
काठमाडौं महानगरपालिका भित्रका विद्यालयहरूबाट कक्षा ११ र १२ मा छात्रवृत्ति प्राप्त गर्न २६,८८८ जना विद्यार्थीले अनलाइन आवेदन फाराम भरेका छन्। यसरी आवेदन दिनेमा १६,५४९ छात्र, १०,३३३ छात्रा र ६ जना अन्य छन्। आवेदकमध्ये २३,४९९ जनाको आवेदन स्वीकृत भइसकेको छ भने ८४ आवेदन अस्वीकृत भएका छन्।
नासा कलेजले डिजिटल लर्निङ र भविष्यकेन्द्रित शिक्षामा जोड दिने
राष्ट्रिय परीक्षा बोर्डले एसईई नतिजा सार्वजनिक गरेसँगै विद्यार्थीहरू नयाँ कलेजको खोजीमा छन्। यस सन्दर्भमा, काठमाडौंको तीनकुनेमा रहेको नासा कलेजले डिजिटल लर्निङ र भविष्यकेन्द्रित शिक्षा प्रदान गर्ने बताएको छ। कलेजका प्रबन्ध निर्देशक दीपक न्यौपानेले विद्यार्थीहरूलाई परीक्षा पास गराउनुका साथै एआई युगमा प्रतिस्पर्धा गर्न सक्ने सीप सिकाउने दाबी गरेका छन्।
शिक्षा मन्त्रालयको प्रगति: दिवा खाजामा ३ अर्ब ७६ करोड खर्च, २८ लाख विद्यार्थी लाभान्वित
शिक्षा तथा खेलकुद मन्त्रालयले आर्थिक वर्ष २०८२/८३ को चैत मसान्तसम्मको प्रगति विवरण सार्वजनिक गरेको छ। मन्त्रालयका अनुसार सामुदायिक विद्यालयका प्राथमिक तहका विद्यार्थीका लागि सञ्चालित दिवा खाजा कार्यक्रममा हालसम्म ३ अर्ब ७६ करोड ६८ लाख रुपैयाँ खर्च भएको छ, जसबाट देशभरिका २८ लाख २४ हजार ५८१ बालबालिका लाभान्वित भएका छन्। यसैगरी, छात्राहरूका लागि सञ्चालित निःशुल्क स्यानिटरी प्याड वितरण कार्यक्रममा २२ करोड ३ लाख रुपैयाँ खर्च भई ९ लाख ४७ हजार ६८० छात्रा लाभान्वित भएका छन्।
स्वदेशमै उच्च शिक्षा अध्ययन गर्ने विद्यार्थी १०.९ प्रतिशतले बढे
आर्थिक वर्ष २०८१/८२ मा स्वदेशमै उच्च शिक्षा अध्ययन गर्ने विद्यार्थीको संख्या १०.९ प्रतिशतले वृद्धि भई सात लाख ४५ हजार ७७० पुगेको छ। यस अवधिमा कुल विद्यार्थीमध्ये व्यवस्थापन संकायमा सबैभन्दा बढी ५०.५ प्रतिशत विद्यार्थी रहेका छन्।
