Photo · www.makalukhabar.com
चितवनमा ट्राफिक प्रहरीले नारायणगढ-मुग्लिन सडकखण्डमा तीव्र गतिमा सवारी चलाउने चालकलाई कारबाही गर्न थालेको छ। दुर्घटना न्यूनीकरण गर्ने उद्देश्यले नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयले 'लिडार स्पिड गन' प्रयोग गरी जाँच अभियान सञ्चालन गरेको छ। कार्यालय प्रमुख डिल्लीनारायण पाण्डेका अनुसार पहिलो दिनमै ६० भन्दा बढी चालकलाई कारबाही गरिएको छ।
सेती नदीमा हाम फालेका भारतीय युवकको शव फेला
पोखराको सेती नदीको खोँचमा हाम फालेर बेपत्ता भएका भारतका मुकेश महतोको शव सशस्त्र प्रहरीले फेला पारेको छ। जेठ १० गते बेलुका नदीमा हाम फालेका महतोको शव बिहान करिब २५० फिट गहिरो खोँचबाट रोप रेस्क्यू विधि प्रयोग गरी निकालिएको हो। शवलाई पोस्टमार्टमका लागि पश्चिमाञ्चल क्षेत्रीय अस्पतालमा राखिएको छ।
केन्याको छात्रावासमा आगलागी: १६ छात्राको मृत्यु, ७९ घाइते
केन्याको गिलगिल क्षेत्रमा रहेको उतुमिशी गर्ल्स स्कुलको छात्रावासमा आगलागी हुँदा कम्तीमा १६ छात्राको मृत्यु भएको छ भने ७९ जना घाइते भएका छन्। शिक्षामन्त्री जुलियस ओंगामाले घाइतेहरूको उपचार भइरहेको जानकारी दिएका छन्। आगलागीको कारणबारे अनुसन्धान भइरहेको छ।
पोखराको फुस्रे खोलामा पौडी खेल्ने क्रममा १४ वर्षीय बालकको डुबेर मृत्यु
पोखरा महानगरपालिका-१७ छोरेपाटनस्थित फुस्रे खोलामा पौडी खेल्ने क्रममा १४ वर्षीय स्वहेन नेपालीको डुबेर मृत्यु भएको छ। सशस्त्र प्रहरी बलको टोलीले बालकलाई अचेत अवस्थामा उद्धार गरी अस्पताल पुर्याएको थियो, जहाँ चिकित्सकले उनलाई मृत घोषणा गरेका हुन्।
पोखराको फुस्रेखोलामा पौडी खेल्ने क्रममा डुबेर १४ वर्षीय किशोरको मृत्यु
पोखरा महानगरपालिका–१७ छोरेपाटनस्थित फुस्रेखोलामा पौडी खेल्ने क्रममा डुबेर १४ वर्षीय स्वहेन नेपालीको मृत्यु भएको छ। सशस्त्र प्रहरी बल कालिका गणका गणपति सशस्त्र प्रहरी उपरीक्षक वसन्तबहादुर सिंहका अनुसार उद्धारपछि अस्पताल पुर्याइएकोमा चिकित्सकले उनलाई मृत घोषणा गरेका हुन्।
