Photo · nagariknews.nagariknetwork.com
सन् २०२६ को विश्वकप फुटबलका लागि साविक विजेता अर्जेन्टिनाले कप्तान लियोनल मेस्सीको नेतृत्वमा २६ सदस्यीय टोली घोषणा गरेको छ। प्रशिक्षक लियोनेल स्कालोनीले खेलाडीहरूको सूची सार्वजनिक गरेका हुन्। यससँगै मेस्सीले कीर्तिमानी छैटौँ विश्वकप खेल्ने भएका छन्।
एसियाली खेलकुद छनोट: पूजा महतोको अर्धशतकमा नेपालले चीनलाई दियो १२६ रनको लक्ष्य
मलेसियामा जारी एसियाली खेलकुद महिला क्रिकेट छनोटमा नेपालले चीनलाई १२६ रनको लक्ष्य दिएको छ। टस जितेर पहिले ब्याटिङ गरेको नेपालले २० ओभरमा ५ विकेट गुमाउँदै १२५ रन बनायो, जसमा पूजा महतोले ६३ रनको अर्धशतकीय इनिङ खेलिन्। यो प्रतियोगितामा नेपालको पहिलो खेल हो भने चीनले आफ्नो पहिलो खेलमा इन्डोनेसियालाई पराजित गरेको थियो।
एसियन गेम्स छनोट: इन्डोनेसियालाई हराउँदै नेपाल सेमिफाइनलमा
मलेसियामा जारी एसियाली खेलकुद महिला क्रिकेट छनोट प्रतियोगितामा नेपालले इन्डोनेसियालाई ४ विकेटले पराजित गर्दै समूह विजेताका रूपमा सेमिफाइनलमा प्रवेश गरेको छ। यो नेपालको लगातार दोस्रो जित हो। यस जितसँगै नेपाल एसियाली खेलकुदका लागि छनोट हुने सम्भावना बलियो बनेको छ।
सरकारले खेलकुद क्षेत्रका लागि ४ अर्ब ३ करोड बजेट विनियोजन गर्यो, रंगशाला निर्माण र खेलाडीलाई आजीवन स्वास्थ्य उपचारको घोषणा
सरकारले आगामी आर्थिक वर्ष २०८३/८४ का लागि खेलकुद क्षेत्रमा ४ अर्ब ३ करोड रुपैयाँ बजेट विनियोजन गरेको छ। अर्थमन्त्री डा. स्वर्णिम वाग्लेले संघीय संसद्मा बजेट प्रस्तुत गर्दै खेलकुद पूर्वाधार विकासलाई प्राथमिकतामा राखिएको बताएका छन्। बजेटमा तीन वर्षभित्र १० वटा फुटबल रंगशालाको स्तरोन्नति र पाँच वर्षभित्र ८ सहरमा आधुनिक क्रिकेट रंगशाला निर्माण गर्ने योजना समावेश छ। साथै, अन्तर्राष्ट्रिय पदक जित्ने खेलाडीलाई आजीवन निःशुल्क स्वास्थ्य उपचारको व्यवस्था गरिने घोषणा गरिएको छ।
भीमनारायण गोल्डकप: झापा र बेलबारीबीच दोस्रो सेमिफाइनल खेल आज
धनकुटामा जारी १८औँ सहिद भीमनारायण गोल्डकप फुटबल प्रतियोगिताको दोस्रो सेमिफाइनल खेल आज (शुक्रबार) बिर्तामोड युनाइटेड क्लब झापा र बेलबारी फुटबल क्लब मोरङबीच धनकुटाको तल्लो टुँडिखेलमा हुनेछ। यो खेलको विजेताले फाइनलमा आयोजक सहिद भीमनारायण स्मृति प्रतिष्ठानसँग उपाधिका लागि प्रतिस्पर्धा गर्नेछ।
