4 स्रोत · 4 समाचार

सुरु 1 हप्ता अघि · अपडेट 1 हप्ता अघि

एलिट ग्राण्ड स्कूलमा विद्यार्थी नेतृत्व चयनका लागि निर्वाचन सम्पन्न

Photo · hamrakura.com

एलिट ग्राण्ड स्कूलमा विद्यार्थी नेतृत्व विकास तथा लोकतान्त्रिक अभ्यासलाई व्यवहारिक रूपमा सिकाउने उद्देश्यले विद्युतीय निर्वाचन प्रणालीमार्फत विद्यार्थी नेता छनोट गरिएको छ। विद्यालयका कम्प्युटर शिक्षकद्वय विनोद भुषाल र विनय घिमिरेको प्राविधिक तयारी तथा सामाजिक अध्ययन विभागीय प्रमुख गणेश अधिकारीको संयोजकत्वमा सम्पन्न उक्त निर्वाचन कार्यक्रमले विद्यालयमा लोकतान्त्रिक संस्कारको अभ्यासलाई अझ प्रभावकारी बनाएको विद्यालय व्यवस्थापनले जनाएको छ।

• विद्यालयका प्रबन्ध निर्देशक ध्रुवप्रसाद पोख्रेल तथा प्रधानाध्यापक सुकुमार थपलियाले संयुक्त रूपमा औपचारिक मतदान प्रक्रिया शुरू गरेका थिए।
• लोकतान्त्रिक अभ्यासले विद्यार्थीहरूमा निर्वाचन प्रक्रिया, लोकतान्त्रिक अभ्यास बुझ्न र बुझाउन सहज हुने तथा लिडरशिप क्षमता अभिवृद्धिको लागि सहयोगी हुने प्रधानाध्यापक थपलियाले बताए।
• विभिन्न पदहरूका लागि ६९ जना विद्यार्थीले उम्मेद्वारी दिएका थिए।
• स्कूल हेड ब्वाइमा कक्षा १० का हृदय केशर थापा, स्कूल हेड गर्लमा १० कक्षाकै देछन शेर्पा निर्वाचित भए।
• स्पोर्ट्स क्याप्टेनमा कक्षा ९ का प्रशान गिरी र कक्षा ८ का एलेक्स गिरी चुनिए।