राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) माथिको निलम्बन बिनासर्त फुकुवा गरेको छ। एन्फाका प्रवक्ता सुरेश शाहका अनुसार शिक्षा तथा खेलकुदमन्त्री सस्मित पोखरेल, राखेपका सदस्यसचिव रामचरित्र मेहता लगायतको बैठकपछि यो निर्णय भएको हो। यसअघि एन्फालाई अवैधानिक निर्वाचन प्रक्रिया अघि बढाएको आरोपमा राखेपले निलम्बन गरेको थियो।
globenepal.com
एसियन गेम्स छनोट: नेपालले इन्डोनेसियालाई हराउँदै सेमिफाइनलमा पुग्ने लक्ष्यमा
मलेसियामा जारी एसियन गेम्स महिला टी-२० क्रिकेट छनोट प्रतियोगिताअन्तर्गत बिहीबार नेपालले इन्डोनेसियासँग प्रतिस्पर्धा गर्दैछ। नेपालले आफ्नो पहिलो खेलमा चीनलाई १९ रनले पराजित गरेको थियो र हाल समूह 'बी' को अंक तालिकामा शीर्ष स्थानमा छ। आजको खेल जितेमा नेपाल सेमिफाइनलमा पुग्ने सम्भावना बलियो बन्नेछ।
सुदूरपश्चिम प्रदेशस्तरीय राष्ट्रपति रनिङ शिल्ड प्रतियोगिता डडेल्धुरामा सुरु
सुदूरपश्चिम प्रदेशस्तरीय राष्ट्रपति रनिङ शिल्ड प्रतियोगिताको १६औँ संस्करण डडेल्धुरामा सुरु भएको छ। सामाजिक विकासमन्त्री मेघराज खड्काले प्रतियोगिताको उद्घाटन गरेका हुन्। शनिबारसम्म चल्ने यस प्रतियोगितामा नौवटै जिल्लाका करिब ९०० खेलाडीले विभिन्न ६ खेलमा प्रतिस्पर्धा गर्नेछन्।
एसियाली खेलकुद छनोट: पूजा महतोको अर्धशतकमा नेपालले चीनलाई दियो १२६ रनको लक्ष्य
मलेसियामा जारी एसियाली खेलकुद महिला क्रिकेट छनोटमा नेपालले चीनलाई १२६ रनको लक्ष्य दिएको छ। टस जितेर पहिले ब्याटिङ गरेको नेपालले २० ओभरमा ५ विकेट गुमाउँदै १२५ रन बनायो, जसमा पूजा महतोले ६३ रनको अर्धशतकीय इनिङ खेलिन्। यो प्रतियोगितामा नेपालको पहिलो खेल हो भने चीनले आफ्नो पहिलो खेलमा इन्डोनेसियालाई पराजित गरेको थियो।
विप्लव घोष कोशी प्रदेश खेलकुद विकास बोर्डको सदस्यसचिव नियुक्त
सुनसरीका विप्लव घोष कोशी प्रदेश खेलकुद विकास बोर्डको सदस्यसचिवमा नियुक्त भएका छन्। प्रदेश सरकारले सामाजिक विकासमन्त्री रामप्रसाद महतोको सिफारिसमा प्रदेश खेलकुद ऐन र अध्यादेशबमोजिम उनलाई चार वर्षका लागि नियुक्त गरेको हो। यससँगै करिब आठ महिनादेखि नेतृत्वविहीन रहेको बोर्डले पूर्णता पाएको छ।
