12 स्रोत · 12 समाचार

सुरु 10 घण्टा अघि · अपडेट 8 घण्टा अघि

शासकीय सुधारका सय बुँदे कार्यसूचीमा सञ्चार मन्त्रालयको उल्लेख्य प्रगति

Photo · kendrabindu.com

सूचना तथा सञ्चार प्रविधि मन्त्रालयले गत चैत १३ गते स्वीकृत भएको शासकीय सुधारसम्बन्धी १०० बुँदे कार्यसूचीमा उल्लेखित अधिकांश कार्यक्रममा उल्लेखनीय प्रगति हासिल गरेको छ। मन्त्रालयका अनुसार डिजिटल शासन, सेवाप्रवाहको सरलीकरण, नागरिक एपको विस्तार, सरकारी प्रणालीहरूको अन्तरआबद्धता र सार्वजनिक सेवाको पारदर्शिता अभिवृद्धिसम्बन्धी धेरै काम सम्पन्न भएका छन् भने केही कार्यक्रम कार्यान्वयनको चरणमा छन्।

• सार्वजनिक सेवा प्रवाहलाई छिटो, पारदर्शी र कागजरहित बनाउने उद्देश्यले सञ्चालित एकीकृत सरकारी कार्यालय व्यवस्थापन प्रणाली ७०४ सरकारी निकायमा विस्तार गरिएको छ।
• नागरिक एपमा प्रहरी प्रतिवेदन, नेपाल इन्जिनियरिङ परिषद्को प्रमाणपत्र, लोकसेवा आयोगको प्रवेशपत्र र कर्मचारीको व्यक्तिगत विवरण डाउनलोड गर्ने सुविधा थप गरिएको छ।
• सरकारी वेबसाइट तथा पोर्टललाई अपाङ्गतामैत्री बनाउने कार्य सम्पन्न भएको छ र यस सम्बन्धमा ३० निकायका प्रतिनिधिलाई तालिम दिइएको छ।
• प्रदेश तथा स्थानीय तहका लागि छुट्टै प्रणाली सञ्चालन गर्न संयुक्त राष्ट्रसङ्घीय विकास कार्यक्रमसँग सहकार्य भइरहेको छ।