वनमन्त्री चौधरी र स्पेनका राजदूत पुजोलबीच कृषि र द्विपक्षीय सहकार्यबारे छलफल

नेपाल डेरी एसोसिएसनको आयोजनामा काठमाडौं इङ्गलिस स्कुल, नक्सालमा विश्व दुग्ध दिवसको पूर्वसन्ध्यामा कविता प्रतियोगिता सम्पन्न भएको छ। 'दुग्ध क्षेत्रको दिगो विकास: पोषण सुरक्षा र आर्थिक समृद्धिको आधार' तथा 'महिला कृषकहरूको सम्मान' भन्ने नाराका साथ आयोजित कार्यक्रममा दुग्धजन्य पदार्थको उपयोगिताबारे छलफल गरियो। कार्यक्रममा नेपाल डेरी एसोसिएसनका केन्द्रीय अध्यक्ष प्रल्हाद दाहालले विद्यालय पाठ्यक्रममा कृषक र कृषि पेशालाई कमजोर रूपमा चित्रण गरिएको विषयमा आपत्ति जनाउँदै पाठ्यक्रम परिमार्जनका लागि ध्यानाकर्षण गराए।

कृषि, वन तथा पर्यावरणमन्त्री गीता चौधरीले धान रोपाइँको सिजनमा मलको अभाव हुन नदिने गरी सरकारले विशेष पहल गरिरहेको बताएकी छन्। मध्यपूर्वमा द्वन्द्वका कारण मल आपूर्तिमा समस्या आएको उल्लेख गर्दै उनले भारतसँग ५० हजार मेट्रिक टन मल खरिद गर्ने प्रक्रिया अघि बढाइएको जानकारी दिइन्। मन्त्री चौधरीले चालु आर्थिक वर्षको असार मसान्तसम्म करिब ६ लाख मेट्रिक टन मल किसानलाई अनुदानमा उपलब्ध गराइने बताइन्, जुन अहिलेसम्मकै सबैभन्दा बढी परिमाण हुने दाबी गरिन्।

प्रतिनिधिसभाको कृषि, सहकारी तथा प्राकृतिक स्रोत समितिमा किसानहरूका लागि रासायनिक मलको सहज आपूर्ति सुनिश्चित गर्ने विषयमा छलफल भएको छ। साल्ट ट्रेडिङ कर्पोरेशन लिमिटेडका प्रवक्ता कुमार राजभण्डारीले आगामी आर्थिक वर्ष २०८३/८४ का लागि ९५ हजार मेट्रिक टन मल खरिदको टेन्डर प्रक्रिया सम्पन्न भएको र ५ हजार टन मल भित्रिसकेको जानकारी दिए। कृषि विकास सचिव डा. राजेन्द्र प्रसाद मिश्रले मल व्यवस्थापनमा निजी क्षेत्रलाई पनि सहभागी गराउनुपर्ने आवश्यकता औंल्याए।

प्रतिनिधिसभाका सांसदहरूले यसवर्ष किसानलाई रासायनिक मलको अभाव हुन नदिन समयमै व्यवस्थापन गर्न सरकारको ध्यानाकर्षण गराएका छन्। कृषि, सहकारी तथा प्राकृतिक स्रोत समितिले असार १५ सम्ममा किसानले पर्याप्त मल पाउने गरी तत्काल खरिद प्रक्रिया अगाडि बढाउन कृषि सामग्री कम्पनी लिमिटेडलाई निर्देशन दिएको छ। कृषि सामग्री कम्पनी लिमिटेडले भने बजेट र खरिद प्रक्रियामा लाग्ने समयका कारण किसानको मागबमोजिम मल उपलब्ध गराउन नसकिएको जनाएको छ।