ललितपुरमा नक्कली ५०० रुपैयाँका नोटसहित एक जना पक्राउ

प्रहरीले पूर्वाधार विकास मन्त्रालयका सचिवको कार्यकक्षमा अनधिकृत रूपमा प्रवेश गरी अभद्र व्यवहार र धाकधम्की दिएको आरोपमा उपेन्द्रकुमार शाहीलाई पक्राउ गरेको छ। शाहीले पूर्व सूचना बिना मन्त्रालयको सचिवको कार्यकक्षमा प्रवेश गरी हुलहुज्जत र होहल्ला गरेको आरोप छ।

वैदेशिक रोजगारीका नाममा क्यानडा पठाइदिने भन्दै ठूलो रकम असुली गरेको आरोपमा प्रहरीले डब्लूडब्लूआईसीएस इमिग्रेसन सर्भिस नेपाल प्रालिका दुई भारतीय नागरिक अमित कुमार र राहुल कुमारलाई पक्राउ गरेको छ। उनीहरूले बिजनेस स्टार्टअप भिसामा क्यानडा लैजाने प्रलोभन देखाएर प्रतिव्यक्ति ८० हजार अमेरिकी डलरसम्म लिई हालसम्म ४ जना पीडितसँग १ करोड ५७ लाख ६५ हजार ४ सय रुपैयाँ ठगी गरेको प्रारम्भिक अनुसन्धानबाट खुलेको छ।

प्रहरीले गत माघमा बौद्धबाट पक्राउ परेका प्रेम थारुमाथि चोरी र सम्पत्ति शुद्धीकरणसम्बन्धी मुद्दामा कारबाही गर्न माग गर्दै जिल्ला अदालत काठमाडौंमा अनुसन्धान प्रतिवेदन र अभियोग पत्र दायर गरेको छ। थारुले चोरीको रकमबाट घर, जग्गा र गाडी किनेको तथा विभिन्न बैंक खातामा करोडौंको कारोबार गरेको अभियोगमा उल्लेख छ।

पर्सा जिल्ला अदालतले वीरगञ्ज महानगरपालिकाका मेयर राजेशमान सिंहविरुद्ध नागरिकता सम्बन्धी लिखत किर्ते गरेको कसुरमा पक्राउ पुर्जी जारी गरेको छ। अदालतले अनुसन्धानका लागि प्रहरीलाई अनुमति दिएको हो। मेयर सिंहमाथि झुट्टा विवरण र कागजात खडा गरी नागरिकता किर्ते गरेको आरोपमा लामो समयदेखि छानबिन भइरहेको थियो।